مالی معاملات حل نہ ہوئے، تو شاید قومی ٹیم ورلڈ کپ نہ کھیل سکے: ہیڈ کوچ حسن سردار
The news is by your side.

Advertisement

مالی معاملات حل نہ ہوئے، تو شاید قومی ٹیم ورلڈ کپ نہ کھیل سکے: ہیڈ کوچ حسن سردار

کراچی:  فنڈز کی کمی کے باعث پاکستان ہاکی فیڈریشن شدید مشکلات کا شکار ہے، مالی معاملات حل نہ ہوئے، تو شاید قومی ٹیم ورلڈ کپ نہ کھیل سکے۔

تفصیلات کے مطابق ورلڈ کپ کی تیاری کے لئے لگنے والا پاکستان ہاکی ٹیم کا کیمپ ملتوی کردیا گیا ہے، ٹیم کے ہیڈ کوچ حسن سردار نے خدشہ ظاہر کیا ہے کہ اگر فنڈز کا معاملہ حل نہ ہوا، تو شاید پاکستان ورلڈ کپ میں شامل نہ ہوسکے۔

پاکستان ہاکی ٹیم کا تربیتی کیمپ آج سے لاہور میں شروع ہونا تھا، لیکن فنڈز کی کمی کے سبب کیمپ عارضی طور پر ملتوی کر دیا گیا، یوں ورلڈ کپ کی تیاریاں کھٹائی میں پڑ گئیں۔


مزید پڑھیں: ایشین ہاکی چیمپیئنز ٹرافی: بارش کے باعث پاک بھارت ٹیمیں مشترکہ چیمپیئن قرار


کیمپ کے لئے پچیس کھلاڑیوں کی فہرست تیار کی گئی ہے، جنھیں کیمپ کمانڈنٹ کو رپورٹ کرنا ہے، ورلڈ کپ اٹھائیس نومبر سے بھارتی شہر بھوبن یشور میں شروع ہورہا ہے۔

اطلاعات کے مطابق پاکستانی ٹیم کے کھلاڑی ایشین چیمپیئنز ٹرافی کے ڈیلی الاؤنس سے بھی تاحال محروم ہیں، ایونٹ کے پندرہ ہزار روپے اور کیمپ کے لئے ایک ہزار روپے کا الاؤنس دیا جانا تھا، جو اب تک ادا نہیں ہو سکا۔

Comments

comments

یہ بھی پڑھیں