پاکستان مخالف نعرے، متحدہ کی 35 خواتین زیر نگرانی، شہر نہ چھوڑنے کا حکم -
The news is by your side.

Advertisement

پاکستان مخالف نعرے، متحدہ کی 35 خواتین زیر نگرانی، شہر نہ چھوڑنے کا حکم

کراچی : پاکستان مخالف نعرےلگانےوالی ایم کیو ایم کی 35 خواتین کی نشاندہی ہوگئی جنہیں سندھ پولیس نے بغیر اجازت کے گھر نہ چھوڑنے کی ہدایت کردی ہیں۔

تفصیلات کے مطابق وزیر اعلیٰ ہاؤس میں منعقد ہونے والے اپیکس کمیٹی کے اجلاس میں آئی جی سندھ پولیس سے بریفنگ دی جس میں بتایا گیا ہے کہ ’’پاکستان مخالف نعرے لگانے والی 35 خواتین کی شناخت ہوگئی ہے جن کے گھروں کی مکمل تفصیلات حاصل کرلی گئی ہیں‘‘۔

پڑھیں:   سندھ ایپکس کمیٹی کا اجلاس، کراچی آپریشن کو منطقی انجام تک پہنچانے کا عزم

آئی جی سندھ نے بتایا کہ ’’شناخت کی گئی خواتین کے شوہروں، والدین یا بھائیوں سے تحریری حلف نامہ لیا گیا ہے، جس میں اُن پر بغیر پولیس کو مطلع کیے شہر چھوڑنے پر پابندی عائد کی گئی ہے‘‘۔

مزید پڑھیں: مدارس کی رجسٹریشن کا فیصلہ اٹل ہے،مولا بخش چانڈیو

اے ڈی خواجہ نے مزید کہا کہ ’’خواتین کے سرپرستوں کو پابند کیا گیا ہے کہ جس وقت پولیس تحقیقات کے لیے طلب کرے گی فوری طور پر تھانے پہنچنا ضروری ہوگا، تاہم پولیس اہلکار 24 گھنٹے ایسے گھرانوں کی نگرانی میں مصروف ہیں‘‘۔

اجلاس میں شہریوں کا ڈیٹا ریکارڈ رکھنے کے لیے بھی نئے ادارے کی منظور دی گئی جو شہر میں رہائش پذیر افراد کی تفصیلات جمع کرے گا نیز یہ کہ کسی بھی شہری کے سال میں تبدیل کیے گئے موبائل فون کی تعداد بھی اس ادارے کی ذمہ داری ہوگی۔

Comments

comments

یہ بھی پڑھیں