تربت: پی ٹی آئی کے رہنما سلمان احمد کے خلاف بھی مقدمہ درج کرلیا گیا، مقدمہ ملکی ادارے کے خلاف نفرت اور اشتعال پھیلانے کی دفعات کے تحت درج کیا۔
تفصیلات کے مطابق تحریک انصاف کے رہنماؤں کیخلاف مقدمات درج کرانے کا سلسلہ جاری ہے، پی ٹی آئی کے رہنما سلمان احمد کے خلاف بھی تربت میں مقدمہ درج کرلیا گیا۔
مقدمہ ملکی ادارے کے خلاف نفرت اور اشتعال پھیلانے کی دفعات کے تحت درج کیا گیا ، مقدمے کے متن میں کہا گیا ہے کہ سلمان احمد نے ادارے کے سابق سربراہ کیخلاف نفرت انگیز تقریر کی۔
اس سے قبل پاکستان تحریک انصاف کے رہنما شہباز گل کیخلاف کراچی کے تھانے میں مقدمہ درج ہوا، مقدمہ ملکی ادارے کے خلاف نفرت اور اشتعال پھیلانے کی دفعات کے تحت درج کیا گیا۔
مدعی مقدمہ نے کہا کہ پی ٹی آئی رہنما شہباز گل نے ادارے کے سابق سربراہ کیخلاف نفرت انگیز تقریر کی، شہباز گل عوام کو ادارے کے افسران کیخلاف بھڑکا رہے ہیں۔
پولیس حکام کے مطابق مقدمہ پرسوں درج کروایا گیا تھا، جس میں سوشل میڈیا پر کسی تقریر کا حوالہ دیا گیا ہے۔
