The news is by your side.

Advertisement

صوفی بزرگ حضرت بہاؤالدین زکریا کے عرس کی تقریبات کا آغاز

ملتان :صوفی بزرگ حضرت بہاؤالدین زکریا کےعرس کی تقریبات کاملتان میں آغاز ہو گیا، عرس میں شرکت کیلئے ملک بھرسے زائرین کی بڑی تعداد پہنچ رہی ہے۔

تفصیلات کے مطابق برصغیر پاک و ہند کے روحانی پیشوا حضرت بہاؤالدین زکریا کے تین روزہ عرس کی تقریبات کا آغاز ہوگیا، عرس کی تقریب کا باقاعدہ آغاز سجادہ نشین شاہ محمود قریشی نے مزار کو عرق گلاب سے غسل دے کرکیا، شاہ محمود قریشی نے مزار پر فاتحہ خوانی کی اورپھولوں کی چادر چڑھائی۔

اس موقع پر ملک میں امن وسلامتی کیلئے دعائیں کی گئیں، عرس کی تقریبات میں شرکت کیلئے زائرین کی آمد کا سلسلہ جاری ہے۔

صوفی بزرگ کے عرس میں شرکت کے لیے پنجاب اور سندھ سے بڑی تعداد میں زائرین ملتان پہنچ رہے ہیں، عرس کے موقع پر حضرت بہاؤ الدین زکریا کے مزار پر فاتحہ خوانی کا اہتمام بھی کیا گیا، دہشت گردی کے خطرے کے پیشِ نظر زائرین کے لیے واک تھرو گیٹ لگائے کیے گئے ہیں اور مزار کے احاطے میں پولیس کی اضافی نفری بھی تعینات ہے۔

عرس کے دوران امن و امان کی صورت حال کو کنٹرول کرنے کیلئے سکیورٹی کےسخت انتظامات کئے گئے ہیں۔

حضرت بہاؤ الدین زکریا سہروردی ملتانی رحمتہ اللہ علیہ کی ولادت با سعادت 566 ہجری ملتان میں ہوئی، آپ کے والد ماجد کا اسم گرامی حضرت مولانا وجیہہ الدین محمد قریشی تھا۔ آپ کےجد اعلی حضرت کمال الدین علی شاہ قبیلہ قریش سےتعلق رکھتےتھے ۔ آپ کے جدامجد مکہ معظمہ سے پہلے خوارزم آئے ، پھر ملتان میں مستقل سکونت اختیار کی۔

حضرت خواجہ بہاؤالدین زکرياملتانی رحمتہ اللہ علیہہ سلسلہ سہروردیہ کی عظیم کڑی ہیں۔ حضرت کی ذات ستودہ صفات گونا گوں خوبیوں کی حامل ہے، آپ 666 ہجری میں اس دار فانی سے رخصت ہوئے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں