The news is by your side.

Advertisement

عظیم صوفی بزرگ خواجہ غریب نوازؒ کا عرس مبارک، تقریبات کی تیاریاں مکمل

اجمیرشریف: سلسلہ چشت کے روحانی بزرگ خضرت خواجہ غریب نواز معین الدین چشتی رحمۃ اللہ علیہ کے آٹھ سو سات ویں سالانہ عرس کی تقریبات کی تیاریاں مکمل کرلی گئیں۔

تفصلات کے مطابق بھارت کے شہر اجمیر شریف میں واقع دربار عالیہ غریب نواز میں حضرت خواجہ غریب نواز رحمۃ اللہ علیہ کے آٹھ سو سات ویں عرس کی تقریبات کی تیاریاں مکمل کرلی گئیں ہیں۔

آپ کا عرس ماہ رجب کی چاند رات سے چھ رجب تک جاری رہے گا، دربار کے خادمین کا کہنا ہے کہ اندورن اور بیرون ملک سے آنے والے لاکھوں زائرین کی آمد کا سلسلہ جاری ہے۔

دربار انتظامیہ کی جانب سے زائرین کے لیے تمام ضروری انتظامات مکمل کرلیئے گئے ہیں۔

عرس کا باقاعدہ آغاز یکم رجب سے ہوگا،اس موقع پر جنتی دروازہ کھولاجائے گا، پانچ رجب کو محفل سماع اور چھ رجب کو بڑی قل شریف ہوگی۔

تقریب میں شرکت کے لئے دنیا بھر سے لاکھوں زائرین کی آمد کا سلسلہ جاری ہے، جبکہ پاکستان کے زائرین کی بڑی تعداد بھارتی سفارت خانے سے ویزہ نہ ملنے پر عرس مبارک میں شریک نہ ہوسکے گی۔

عظیم صوفی بزرگ خواجہ غریب نواز نے چھٹی صدی عیسوی میں افغانی چشتی سلسلے کو ہندوستان میں متعارف کرایا، پنجاب اور راجستھان میں امن و آشتی کا درس دیا۔

Comments

comments

یہ بھی پڑھیں