کراچی: پی ایس ایل سیزن فور کے دوسرے ایلیمینیٹر میں پشاور زلمی نے اسلام آباد یونائیٹڈ کو باآسانی 48 رنز سے شکست دے کر فائنل کے لیے کوالیفائی کرلیا، فائنل میں زلمی کا مقابلہ گلیڈی ایٹرز سے ہوگا۔
تفصیلات کے مطابق دوسرے ایلیمینیٹر میں پشاور زلمی نے اسلام آباد یونائیٹڈ کو 48 رنز سے شکست دے کر فائنل میں جگہ بنالی، اتوار 17 مارچ کو کوئٹہ اور پشاور کی ٹیمیں فائنل میں ٹکرائیں گی۔
دو سو پندرہ رنز ہدف کے تعاقب میں اسلام آباد یونائیٹڈ کی ٹیم 9 وکٹوں کے نقصان پر 166 رنز بناسکی، اسلام آباد یونائیٹڈ کے والٹن نے 48 رنز کی اننگز کھیلی، ڈیلپورٹ 28 رنز بناکر پویلین روانہ ہوئے۔
گزشتہ میچ کے ہیرو آصف علی بغیر کوئی رن بنائے پویلین لوٹ گئے انہیں پولارڈ نے آؤٹ کیا، حسین طلعت بھی 19 رنز پر ہمت ہار گئے، فہیم اشرف کو کرس جارڈن نے آؤٹ کیا۔
پشاور زلمی کے حسن علی نے تین وکٹیں حاصل کیں، کرس جارڈن کے حصے میں 2 وکٹیں آئیں، ٹائمل ملز اور کیرون پولارڈ نے ایک، ایک وکٹ حاصل کی۔
The #YellowStorm overpower #SherKiDhaar!!!@PeshawarZalmi KNOCK the defending champions OUT, Zalmi are through to the final. #HBLPSL #KhelDeewanoKa #IUvPZ pic.twitter.com/fj2uMGJSUl
— PakistanSuperLeague (@thePSLt20) March 15, 2019
قبل ازیں کراچی کے نیشنل اسٹیڈیم میں کھیلے جانے والے دوسرے ایلیمینٹر میچ میں پشاور زلمی نے 214 رنز بنائے اور اسلام آباد یونائیٹڈ کو جیت کے لیے 215 رنز کا ہدف دیا، کامران اکمل نے 74 اور امام الحق نے 58 رنز کی شاندار اننگز کھیلی۔
محمد سمیع نے ٹاس جیت کر پہلے بولنگ کا فیصلہ کیا جو درست ثابت نہیں ہوا، امام الحق اور کامران اکمل شاندار 135 رنز کی شراکت قائم کی، امام الحق 58 رنز بنا کر ڈیلپورٹ کی گیند پر آؤٹ ہوئے، کامران اکمل کو بھی 74 رنز پر ڈیلپورٹ نے پویلین روانہ کیا، کامران اکمل نے 3 چھکے اور 10 چوکے لگائے۔
کیرون پولارڈ 36 رنز کی اننگز کھیل کر رن آؤٹ ہوئے، وہاب ریاض ایک رن بنا کر رن آؤٹ ہوئے، کپتان ڈڈیرن سیمی 30 رنز بنا کر نمایاں رہے۔
#YellowStorm hit Karachi and the scoreboard, former champions @PeshawarZalmi smash huge total of 214. Can defending champions, @IsbUnited chase this down?#HBLPSL #KhelDeewanoKa #IUvPZ pic.twitter.com/vsvv5sEDHJ
— PakistanSuperLeague (@thePSLt20) March 15, 2019
صہیب مقصود صرف 4 رنز بنا کر شاداب خان کی گیند پر پویلین لوٹ گئے۔
اسلام آباد یونائیٹڈ نے ڈیلپورٹ نے دو وکٹیں حاصل کیں جبکہ لیگ اسپنر شاداب خان کے حصے میں ایک وکٹ آسکی۔
قبل ازیں پی ایس ایل سیزن فور کے دوسرے ایلیمینٹر میں محمد سمیع نے ٹاس جیت کر پشاور زلمی کو پہلے بیٹنگ کی دعوت دی ہے، کرائسٹ چرچ میں مساجد پر ہونے والے دہشت گردانہ حملے کے خلاف کھلاڑیوں نے بازوؤں پر سیاہ پٹیاں باندھ رکھی ہیں۔
اسلام آباد یونائیٹڈ کے کپتان محمد سمیع نے کہا کہ کوشش ہوگی کہ زلمی کے کھلاڑیوں کو جلد آؤٹ کریں آج کے میچ میں غلطی کی کوئی گنجائش نہیں ہے۔
دوسری جانب ڈیرن سیمی کا کہنا تھا کہ جیت کر فائنل میں جانے کی بھرپور کوشش کریں گے، اسلام آباد یونائیٹڈ کو اچھا ہدف دینے کی بھرپور کوشش کریں گے۔
واضح رہے کہ گزشتہ روز کھیلے جانے والے پہلے ایلیمینٹر میں دفاعی چیمپئن اسلام آباد یونائیٹڈ نے کراچی کنگز کو 4 وکٹوں سے شکست دے کر ایونٹ سے باہر کردیا تھا۔
