site
stats
بلوچستان

ہزارہ ڈیموکریٹک پارٹی کے چیئرمین کے بڑے بھائی کو اغوا کرلیاگیا

کوئٹہ: ہزارہ ڈیموکریٹک پارٹی کے چیئرمین عبدالخالق ہزارہ کے بڑے بھائی کو اغوا کرلیاگیا.

تفصیلات کے مطابق ہزارہ ڈیموکریٹک پارٹی کے چیئرمین عبدالخالق ہزارہ کے بڑے بھائی عبدالعلی ہزارہ معروف کول ایجنٹ ہیں جو گزشتہ روز کوئٹہ کے وسطی علاقے ریگل پلازہ میں واقع اپنے دفتر پہنچے تو آٹھ مسلح افراد نے انہیں ملازم اور ڈرائیور سمیت اغواکرلیا.

اغواکاروں نے بعد میں ڈرائیور اور ملازم کو مستونگ کے علاقے دشت کے قریب چھوڑ دیا اور عبدالعلی ہزارہ کو اپنے ہمراہ لے گئے.

عبدالخالق ہزارہ کے رشتہ داروں کا کہنا ہے کہ ان کی کسی سے کوئی دشمنی نہیں تھی.

یاد رہے گذشتہ ماہ پشتونخوا ملی عوامی پارٹی کے مرکزی رہنما اور بلوچستان کے وزیر بلدیات سردارمصطفی خان ترین کے صاحبزادے سردار اسدخان ترین کو نامعلوم افراد نے پشین سے اغوا کرلیا تھا.

سردار اسد خان ترین کو اس وقت اغوا کیا گیا جب وہ کیڈٹ کالج پشین میں اپنی ڈیوٹی کرنے کے بعد واپس گھر جارہے تھے،اغوا کار اسد خان ترین کا موبائل فون بھی ساتھ لے گئے،جبکہ ان کی گاڑی سرخاب روڈ سے برآمد کرلی گئی تھی.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top