The news is by your side.

Advertisement

“کھلاڑیوں کو فیور دینےکی بحث کبھی ختم نہیں ہوگی”

ناٹنگھم: من پسند کھلاڑیوں کو فیور دینے پر ہیڈکوچ قومی کرکٹ مصباح الحق پھٹ پڑے کہا کہ ہمارے پاس کھلاڑیوں کو فیور دینےکی بحث کبھی ختم نہیں ہوگی۔

تفصیلات کے مطابق ناٹنگھم میں ورچوئل پریس کانفرنس کرتے ہوئے مصباح الحق نے دوٹوک الفاظ میں کہا کہ شاداب اور فہیم اشرف ٹیم کا بیلنس بناتےہیں اسی لیےکھیلتےہیں، لوگ جو مرضی سمجھیں ہم کسی کو فیور نہیں دیتے، جو کمبینیشن بہتر نظر آتا ہے وہی ٹیم میں کھلایاجاتا ہے، پاکستان میں کھلاڑیوں کو فیور دینےکی بحث کبھی ختم نہیں ہوگی۔

مصباح الحق نے کہا کہ فہیم اشرف نے جنوبی افریقہ میں اچھی بولنگ کی، شاداب خان بیٹنگ بھی کرسکتا ہے بولنگ میں بھی فارم مل جائے گی تاہم عثمان قادر آل راؤنڈر کی ضرورت کو پورا نہیں کرتے۔

انگلینڈ سے ون ڈے سیریز میں کلین سوئپ ہونے پر قومی کرکٹ ٹیم کے ہیڈ کوچ نے کہا کہ کل جو ہوا اسے کسی طور پر ڈیفنڈ نہیں کرسکتے، ہم انگلینڈ کی نئی ٹیم سے باالکل مقابلہ نہیں کرسکے، بطور ٹیم ہم ناکام رہے، انگلینڈ کیخلاف سیریز توقعات سے برعکس رہی، کھلاڑیوں کی طرح شکست کےذمہ دار کوچز بھی ہیں۔

یہ بھی پڑھیں: انگلینڈ نے پاکستان کو وائٹ واش کردیا

انگلینڈ سے سیریز میں قومی ٹیم کی جانب سے ناقص فیلڈنگ کا اعتراف کرتے ہوئے ہیڈ کوچ نے کہا کہ سیدھے سیدھے کیچزچھوڑے گئے تونتائج بھی ایسے ہی نکلیں گے، کل جو ہوا اسے کسی طور پر ڈیفنڈ نہیں کرسکتے، بابر اعظم ،رضوان کی اچھی پرفارمنس تھی ڈیفنڈ کرنا چاہیےتھا، ایسا لگ رہا ہے ہم وہی کھڑے ہیں جہاں سے چلے تھے۔

مصباح الحق کا کہنا تھا کہ پی ایس ایل کھیلنے کے بعد لڑکے آف کلر ہوگئے۔

واضح رہے کہ گذشتہ روز انگلینڈ نے تین میچوں پر مشتمل سیریز کے آخری میچ میں پاکستان کو شکست سے دوچار کرتے ہوئے کلین سوئپ کیا تھا۔

Comments

یہ بھی پڑھیں