خیرپور: 7 دن قبل مبینہ لاپتہ ہونے والے بچے کی سر کٹی اور تشدد زدہ لاش برآمد ہوئی، پولیس نے واقعہ کی تحقیقات شروع کردی ہے۔
تفصیلات کے مطابق خیرپور میں کوٹ ڈیجی سے 7 دن قبل مبینہ لاپتہ ہونے والے اسکولی بچے کی سر کٹی اور تشدد زدہ لاش برآمد ہوئی۔
پولیس نے بتایا کہ گھر کے قریب علی رضا حاجانو کی سر کٹی اور تشدد زدہ بنا کپڑوں کے لاش کھیتوں میں پڑی ملی تو لوگوں نے لاش کو دیکھ کر فوری طور پر پولیس کو اطلاع دی۔
پولیس نے موقع پر پہنچ کر لاش کو پوسٹ مارٹم کے لئے اسپتال منتقل کیا، گزشتہ روز مقتول علی رضا حاجانو کے لواحقین اور اہل علاقہ نے احتجاجی مظاہرہ کیا تھا۔
احتجاج کے ایک دن بعد ہی مقتول علی رضا کی سر کٹی اور تشدد زدہ لاش مل گئی تاہم پولیس نے واقعہ کی تحقیقات شروع کردی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں