The news is by your side.

Advertisement

سرکاری اسپتالوں کی صورتحال سے متعلق سیکریٹری صحت کی رپورٹ

کراچی: سرکاری اسپتالوں کی صورتحال سے متعلق سیکریٹری صحت نے سپریم کورٹ کراچی رجسٹری میں رپورٹ جمع کروا دی۔

تفصیلات کے مطابق سپریم کورٹ کراچی رجسٹری کے حکم پر سرکاری اسپتالوں کی صورتحال سے متعلق سیکریٹری صحت نے رپورٹ جمع کروا دی۔ 34 اسپتالوں سے متعلق 258 صفحات کی رپورٹ جمع کروائی گئی۔

رپورٹ میں بتایا گیا کہ محکمے کو ڈاکٹرز، اسٹاف نرس، نرسز اور طبی عملے کی کمی کا سامنا ہے۔ سنہ 2011 سے اب تک 15 سو ڈاکٹرز، 12 سو 13 میڈیکل افسر، 1 سو 39 وومن افسر، 1 سو 48 سینئر میڈیکل افسر غیر حاضر ہیں۔

رپورٹ کے مطابق غیر حاضر ڈاکٹرز اور عملے کی برطرفی کے لیے سمری وزیر اعلیٰ کو بھیجی ہے۔ اخبارات میں اشتہارات کے بعد ڈاکٹرز کو برطرف کر دیا جائے گا۔ عملے کی حاضری لازمی بنانے کے لیے بائیو میٹرک سسٹم نافذ کر دیا ہے۔

کراچی رجسٹری میں جمع کروائی گئی رپورٹ میں کہا گیا کہ حال ہی میں 5 ہزار 4 سو 2 ڈاکٹرز کو بھرتی کیا گیا ہے۔ طبی عملے کی کمی کو پورا کرنے کے لیے شفاف تقرریوں کا عمل شروع کردیا۔ اسپتالوں میں مریضوں کو ادویات کی مفت فراہمی کی بھی ہدایت کی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں