The news is by your side.

Advertisement

جعلی اکاؤنٹس، میمو گیٹ، زلزلہ متاثرین اور اصغر خان کیس کی سماعت کل ہوگی

اسلام آباد: سپریم کورٹ آف پاکستان میں آئندہ ہفتے اہم مقدمات زیرِ سماعت آئیں گے، کل بھی اہم ترین مقدمات کی سماعت ہوگی۔

تفصیلات کے مطابق عدالتِ عظمیٰ میں کل ملک کے اہم کیسز کی سماعت کی جائے گی، جن میں سرِ فہرست جعلی بینک اکاؤنٹس کی تحقیقات سے متعلق از خود نوٹس پر سماعت ہے۔

چیف جسٹس میاں ثاقب نثار کی سربراہی میں 2 رکنی بینچ کل مقدمات کی سماعت کرے گا۔

میمو گیٹ اسکینڈل اور حسین حقانی کی وطن واپسی سے متعلق سماعت بھی کل ہوگی۔

2005 کے زلزلہ متاثرین کی امداد سے متعلق سماعت سمیت اصغر خان کیس، اور پاکستان کڈنی اینڈ لیور انسٹی ٹیوٹ سے متعلق از خود نوٹس کی سماعت بھی کل ہوگی۔

چیف جسٹس میاں ثاقب نثار کی سربراہی میں 2 رکنی بینچ کل مقدمات کی سماعت کرے گا۔

منگل کو ہونے والی سماعتوں میں بیرون ملک بینک اکاؤنٹس سے متعلق از خود نوٹس کیس، اسلام آباد میں کچی آبادیوں کو ہٹانے پر از خود نوٹس کیس، اقلیتوں کو حقوق کی فراہمی سے متعلق درخواستوں پر سماعت، سانحہ کوئٹہ کے متاثرین کو امدادی رقوم سے متعلق کیس، ایڈن گارڈنز ہاوسنگ اسکیم اسکینڈل از خود نوٹس کیس، گورنر پنجاب کے بھائی چوہدری جاوید کے خلاف توہینِ عدالت کیس اور پی سی ایس افسران سے امتیازی سلوک سے متعلق کیس کی سماعت شامل ہیں۔

پاکستان میں جنگلات کے خاتمے کے خلاف دائر درخواست پر سماعت، بجلی، تیل اور گیس کی قیمتوں میں اضافے پر از خود نوٹس کی سماعت، گوجرانوالہ میں لڑکیوں کے اسکول کی ابتر صورتِ حال پر سماعت اور ڈی ٹی ایچ کی اسمگلنگ کے خلاف از خود نوٹس کی سماعت بدھ کو ہوگی۔


یہ بھی پڑھیں:  بھارت کوپاکستان کا پانی چوری نہیں کرنےدیں گے: چیف جسٹس


شہروں میں پٹواریوں اور تحصیل داروں سے متعلق سماعت، پنجاب میں میگا پراجیکٹس سے متعلق از خود نوٹس کی سماعت، اسلام آباد جوڈیشل سروس رولز میں ترامیم سے متعلق سماعت جمعرات کو ہوگی۔

جمعے کے دن ہونے والی سماعتوں میں اسلام آباد میں سرکاری اسپتالوں سے متعلق از خود نوٹس پر سماعت، ملک بھر میں پھیلتی ماحولیاتی آلودگی پر از خود نوٹس کی سماعت، تعلیمی اداروں میں منشیات کی فروخت پر از خود نوٹس کی سماعت، اسلام آباد انڈسٹریل سیکٹر کے باعث ماحولیاتی آلودگی پر سماعت، بنی گالا میں تجاوزات کے خلاف از خود نوٹس کی سماعت شامل ہیں۔

ان مقدمات کی سماعت چیف جسٹس کی سربراہی میں 3 رکنی بینچ کرے گا۔

Comments

comments

یہ بھی پڑھیں