اسلام آباد: ہارٹ آف ایشیا کانفرنس آج بھارت کے شہر امرتسر میں شروع ہوگی۔پہلے روز سیکریٹریز اور دوسرے وزرائے خارجہ کانفرنس میں شرکت کریں گے۔
تفصیلات کےمطابق ہارٹ آف ایشیا کانفرنس آج بھارت کے شہر امرتسر میں شروع ہو رہی ہے جس کے لیےسیکیورٹی کے سخت انتظامات کیے گئے ہیں۔
ہارٹ آف ایشیا کانفرنس میں پاکستانی وفد کی قیادت مشیر خارجہ سرتاج عزیز کریں گےجوکل چندگھنٹےکےلیےبھارت جائیں گے۔
دفتر خارجہ کے مطابق پاکستان نےبھارت کو مذاکرات کی کوئی درخواست نہیں دی پاک بھارت وفود سائیڈ لائن پرملاقات نہیں کریں گے۔
دو روزہ کانفرنس میں پاکستان،سعودی عرب،چین،ترکی،ایران،روس سمیت چالیس ممالک کے وفود اور علاقائی وبین الاقوامی تنظیمیں شرکت کریں گی۔
کانفرنس میں افغانستان اورپڑوسی ممالک کے درمیان علاقائی تعاون بڑھانے،سیکیورٹی خطرات سےبچاؤاور علاقائی صورتحال کے معاملات زیر غور آئیں گے۔
مزید پڑھیں:سرحدی کشیدگی کے باوجود پاکستان ہارٹ ایشیا کانفرنس میں شرکت کرے گا، دفتر خارجہ
واضح رہے کہ اس سےقبل دفتر خارجہ کے ترجمان نفیس زکریا کا کہناتھا کہ پاکستان بھارت میں منعقد ہونے والی ہارٹ آف ایشیا کانفرنس میں شرکت کرے گا، پاکستان کی شرکت کا مقصد خطے میں امن کو فروغ دینا ہے۔
