نئی دہلی: بھارتی ریاست مدھیا پردیش میں پیش آنے والے خطرناک حادثے نے رونگٹے کھڑے کردیے، واقعے میں 22 افراد شدید زخمی ہوئے جن میں دو کی حالت تشویش ناک ہے۔
غیرملکی خبررساں ادارے کی رپورٹ کے مطابق یہ دہشت ناک واقعہ مدھیا پردیش کے ضلع بھنڈ میں پیش آیا جہاں قائم ایک جیل کی چھت اچانک گر پڑی، اس حادثے میں جیل کی عمارت کا ایک حصہ گرا جس کی زد میں قیدیوں سمیت تقریباً بائیس افراد آئے جن میں سے دو زندگی اور موت کی جنگ لڑ رہے ہیں۔
رپورٹ میں بتایا گیا کہ یہ حادثہ علی الصبح رونما ہوا۔ پولیس حکام کا کہنا ہے کہ ہفتے کے روز پیش آئے اس حادثے کے تمام زخمیوں کو مقامی اسپتال منتقل کردیا گیا ہے۔
جیل حکام نے بتایا کہ حادثے کے دوران جیل میں تقریباً 255 قیدی موجود تھے، واقعے کے فوراً بعد متعلقہ اداروں کو مطلاع کیا گیا، ریسکیو آپریشن کے بعد متاثرہ قیدیوں کا علاج جاری ہے۔
مقامی میڈیا کے مطابق جیل کی عمارت مخدوش ہونے کے باعث یہ حادثہ پیش آیا۔
This is how wall of barrack number 6 caved in around 5.10 am at Bhind Jail, 22 injured, 2 serious @ndtvindia@ndtv pic.twitter.com/wAOklihmcH
— Anurag Dwary (@Anurag_Dwary) July 31, 2021