The news is by your side.

غزہ میں فلسطینی بچوں اور خواتین پر بزدلانہ اسرائیلی بمباری کی دل دہلا دینے والی ویڈیو

غزہ سٹی: غزہ میں فلسطینی بچوں اور خواتین پر بزدلانہ اسرائیلی بمباری کی دل دہلا دینے والی ویڈیو سامنے آئی ہے۔

تفصیلات کے مطابق فلسطینی علاقے غزہ کی پٹی پر اسرائیل کے فضائی حملے دوسرے روز بھی جاری رہے، جس سے شہادتیں 24 ہو گئی ہیں۔

فلسطینی وزارت صحت کے حکام نے کہا ہے کہ اسرائیلی حملوں میں اب تک چوبیس افراد جاں بحق، 203 زخمی ہو چکے ہیں، جاں بحق افراد میں 6 بچے اور 2 خواتین بھی شامل ہیں۔

غزہ پر فضائی حملوں کا دوسرا روز، اسرائیل نے 24 فلسطینی شہید کر دیے

الجزیرہ کے مطابق غزہ کی پٹی میں اسرائیلی جیٹ طیاروں کی جانب سے دوسرے روز بھی محصور فلسطینیوں پر بمباری کے نتیجے میں متعدد بچے شہید ہو گئے ہیں۔

اسرائیلی جنگی طیاروں کی جانب سے رہائشی علاقوں پر بمباری کے باعث غزہ میں فلسطینی خوف و ہراس کی زندگی گزار رہے ہیں، گزشتہ روز رہائشی علاقے پر ایسا ہی ایک خوف ناک اور دل دہلا دینے والا حملہ کیا گیا، جس کی ویڈیو ٹویٹر پر وائرل ہو گئی ہے۔

ویڈیو میں فلسطینی شہریوں، بچوں اور خواتین کی چیخ و پکار سنائی دے رہی ہے، لوگ جانیں بچانے کے لیے دوڑ رہے ہیں، سڑک پر ایک بلی بھی محفوظ ہونے کے لیے دوڑتی نظر آتی ہے۔

Comments

یہ بھی پڑھیں