بھارت میں ایک درخت کو کاٹنے کے بعد درجنوں پرندے مرگئے اور ان کے گھونسلے تباہ ہوگئے جس کی ویڈیو نے لوگوں کو دل دہلا دیے۔
بھارتی میڈیا رپورٹس کے مطابق افسوسناک واقعہ ریاست کیرالا ملاپورم ضلع میں پیش آیا جس کی ویڈیو سوشل میڈیا پر وائرل ہوگئی صارفین کی جانب سے ذمہ داروں کے خلاف کارروائی کا مطالبہ کیا جارہا ہے۔
ویڈیو میں دیکھا جاسکتا ہے کہ درخت گرنے کے وقت سینکڑوں پرندے اڑے اور درخت کے گرتے ہی متعدد پرندے اس کی زد میں آکر مر گئے۔
اس ویڈیو کو انڈین فاریسٹ سروس آفیسر پروین کاسوان نے ٹوئٹر پر شیئر کیا اور لکھا کہ ’ہر ایک کو گھر کی ضرورت ہے ہم کتنے ظالم بن سکتے ہیں۔‘
Everybody need a house. How cruel we can become. Unknown location. pic.twitter.com/vV1dpM1xij
— Parveen Kaswan, IFS (@ParveenKaswan) September 2, 2022
اس منظر نے صارفین کے دلوں کو غمزدہ کردیا اور ذمہ داروں کے خلاف سخت کارروائی کا مطالبہ کیا۔
ایک صارف نے لکھا کہ ’انسان کیسے اتنے بے رحم ہوسکتے ہیں۔‘ دوسرے نے لکھا کہ ’وہ اس جگہ کو نہیں چھوڑتے کیونکہ ان کے گھونسلے میں بچے تھے جو اڑ نہیں سکتے تھے یہ بہت ظالمانہ اور مایوس کن عمل ہے۔
رپورٹ کے مطابق قومی شاہراہ پر ترقیاتی کام جاری تھا جس کی وجہ سے درخت کو کاٹا گیا تھا، دریں اثنا اس واقعے کے بعد کیرالا کے محکمہ جنگلات نے وائلڈ لائف پروٹیکشن ایکٹ کے تحت مقدمہ درج کیا ہے۔
میڈیا رپورٹس کے مطابق درخت کو سرکاری اجازت نامے کے بغیر کاٹا گیا تھا بعدازاں درخت کاٹنے والے شخص کو گرفتار کرلیا گیا۔