The news is by your side.

Advertisement

کراچی میں گرمی کی لہر ، الرٹ جاری

کراچی : شہر قائد میں رواں ہفتے کے دوران گرمی کی لہر کا الرٹ جاری کردیا ، جس میں کہا ہے کہ ہوا کے زیادہ دباؤ کے باعث درجہ حرارت میں اضافے کا امکان ہے۔

تفصیلات کے مطابق پی ڈی ایم اے سندھ کی جانب سے کراچی سمیت صوبہ کے دیگر اضلاع میں گرمی کی لہر سے متعلق الرٹ جاری کردیا گیا ہے۔

جس میں کہا کہ ہوا کے زیادہ دباؤ کے باعث پاکستان کے بیشتر علاقوں میں رواں ہفتے کے دوران دن کے درجہ حرارت میں غیرمعمولی اضافے کا امکان ہے۔

پی ڈی ایم اے سندھ کا کہنا تھا کہ شمالی بلوچستان ، بالائی سندھ، جنوبی پنجاب، کشمیر اور ملحقہ علاقوں میں دن کا درجہ حرارت 09 سے10 ڈگری سینٹی گریڈ معمول سے زیادہ رہے گا۔

الرٹ کے مطابق اسلام آباد، بالائی اوروسطی پنجاب، خیبرپختونخوا ، گلگت بلتستان، زیریں سندھ اور جنوبی بلوچستان میں دن کا درجہ حرارت 07 سے08 ڈگری سینٹی گریڈ معمول سے زیادہ رہنے کا امکان ہے۔

پی ڈی ایم اے نے کہا کہ خشک موسم اور گرمی کی لہر کی وجہ سے کھڑی فصلوں، سبزیوں اور باغات کو پانی کی کمی کا خدشہ پیدا ہوسکتا ہے ، کسان موسمی حالات کے مطابق فصلوں کو پانی دینے کے انتظامات کریں۔

الرٹ میں شہریوں کو ہدایت کی گئی ہے کہ سورج کی روشنی سے بچاؤ کے لیے احتیاطی تدابیر اختیار کریں۔

پی ڈی ایم اے سندھ کی جانب سے ضلعی انتظامیہ اور متعلقہ اداروں کو الرٹ رہنے اور کسی بھی ممکنہ ہنگامی صورت حال سے نمٹنے کے لئے تیار رہنے کی ہدایت کردی گئی ہے۔

Comments

یہ بھی پڑھیں