site
stats
پاکستان

کراچی میں آج سے تین دن شدید گرمی کا امکان، پارہ 40ڈگری تک جاسکتا ہے

کراچی : ملک کے سب سے بڑے ساحلی شہر کراچی کو ایک مرتبہ پھرگرمی کی شدید لہر کا سامنا ہے، محکمہ موسمیات کے مطابق شہر کا درجہ حرارت آج چالیس ڈگری سینٹی گریڈ تک جاسکتا ہے، ڈاکٹروں نے مشورہ دیا ہے کہ شہری گھروں سے باہر نکلتے وقت سر ڈھانپیں ، پانی کازیادہ استعمال کریں.

کراچی میں اس وقت درجہ حرارت 37 ڈگری سینٹی گریڈ تک جا پہنچا ہے.

محکمہ موسمیات کے ترجمان عبدالرشید کے مطابق موسم کی تبدیلی کی وجہ سے بحیرہ عرب میں ہوا کا دباؤ کم اور ہواؤں کا رخ تبدیل ہورہا ہے، جس کی وجہ سے آئندہ 3روزتک کراچی میں شدید گرمی ہوگی اوردرجہ حرارت 40ڈگری سینٹی گریڈ سے بھی بڑھ سکتا ہے لیکن اس کی شدت 43ڈگری سے ہوگی۔

عبدالرشید نے کہا ہے کہ گرمی کی لہر 2 اکتوبرتک جاری رہے گی تاہم ہوا میں نمی کا تناسب معمول کے مطابق رہے گا لیکن 2اکتوبر کے بعد موسم میں بتدریج تبدیلی آئے گی۔

کراچی میں ہیٹ اسٹروک کے پیش نظر بلدیہ عظمیٰ کے اسپتالوں میں ایمر جنسی نافذ کردی گئیں، جبکہ اسپتالوں میں عملے اور ہیٹ اسٹروک سینٹرز فعال بنانے کے احکامات جاری کردیئے ہیں، شہری انتظامیہ نے بھی شہریوں کو ہیٹ اسٹروک سے بچنے کے لئے احتیاط کا مشورہ دے دیا ہے.

ہیٹ اسٹروک سے بچنے کے لئے طبی ماہرین کے مشوروں پر عمل کریں، ٹھنڈا پانی پیتے رہیں، بلا ضرورت گھر سے نہ نکلیں۔

واضح رہے کہ رواں برس جون میں پڑنے والی شدید گرمی سے 12سو سے زائد افراد جاں بحق ہوگئے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top