The news is by your side.

Advertisement

کراچی میں عید کے پہلے اوردوسرے روز ہیٹ ویو کا امکان

کراچی : محکمہ موسمیات نے کراچی والوں کو خبردار کیا ہے عید کے پہلے اور دوسرے روز موسم شدید گرم رہے گا، پارہ 40 ڈگری تک جانے کا امکان ہے جبکہ 15 جون کے بعد سے موسم میں تبدیلی آئے گی۔

تفصیلات کے مطابق محکمہ موسمیات نے کراچی میں ہیٹ ویو الرٹ جاری کردیا ہے ، جس میں عید کے پہلے اور دوسرے روز شدید گرمی کی پیشگوئی کی ہے ، درجہ حرارت 40 ڈگری سینٹی گریڈ تک جاسکتا ہے جبکہ عید کے تیسرے سے موسم بہتر ہونا شروع جائے گا۔

محکمہ موسمیات کا کہنا ہے 15 جون کے بعد سے موسم میں تبدیلی آئے گی ساٹ محکمہ موسمیات کے مطابق جولائی اوراگست کا مہینہ مون سون ہو گا۔

کراچی کا موجودہ درجہ حرارت 35 ڈگری سینٹی گریڈ ، ہوا میں نمی کا تناسب 54 فیصد ہے جبکہ 21 کلومیٹر فی گھنٹہ کی رفتار سے ہوا چل رہی ہے۔

دوسری جانب سندھ پنجاب اور بلوچستان کے میدانی علاقوں میں جھلسا دینے والی گرمی کی لہر جاری ہے، جیکب آباد ، سکھر دادو ، لاڑکانہ میں قیامت خیز گرمی سے شہری نڈھال ہیں ، ۔ آج سب سے زیادہ درجہ حرارت سکھرمیں انچاس ڈگری سینٹی گریڈ رہنے کا امکان ہے۔

راولپنڈی اسلام آبادسمیت بالائی علاقوں میں تیزہواؤں کے ساتھ بارش سے گرمی کی شدت کچھ کم ہو گئی۔۔ محکمہ موسمیات نے مالاکنڈ، ہزارہ، مردان، پشاور، راولپنڈی، گلگت بلتستان اور کشمیر میں بارش کی پیشگوئی کی ہے۔

Comments

comments

یہ بھی پڑھیں