The news is by your side.

Advertisement

بھارت میں بارش کی تباہ کاریاں، کولکتہ کے لئے الرٹ جاری

ممبئی: کولکتہ میں جاری شدید بارشوں نے تباہی مچادی ہے، ماہ ستمبر میں ریکارڈ بارشوں نے چودہ سالہ ریکارڈ توڑ ڈالا۔

بھارتی میڈیا رپورٹ کے مطابق مغربی بنگال میں موجود سمندری طوفان کے باعث کولکتہ مسلسل بارشوں کی لپیٹ میں ہے، گذشتہ روز سے جاری مسلسل بارشوں کے باعث کئی علاقے زیرآب آچکے، سڑکیں تالاب کا منظر پیش کررہی ہے جبکہ سرکلر ریلوے آپریشن بھی بند کردیا گیا ہے۔

محکمہ موسمیات کا کہنا ہے کہ گزشتہ چودہ سالوں میں ستمبر میں اتنی بارش نہیں ہوئی، اب تک کولکتہ میں تقریبا 142 ملی میٹر بارش ریکارڈ کی جاچکی ہے جو کہ دو ہزار سات کے بعد سب سے زیادہ ہے۔

ادھر محکمہ موسمیات نے خبردار کیا ہے کہ ایک اور سمندری طوفان تیار ہے جو کہ مغربی بنگال کے ساحل کی طرف بڑھ رہا ہے، جس کے نتیجے میں مزید بارشیں متوقع ہیں، حکام نے صورت حال کو خطرناک قرار دیتے ہوئے کہا کہ شہر میں نکاسی کا نظام مکمل طور پر مفلوج ہوچکا ہے، پریشان کن بات یہ ہے کہ دریائے ہگلی میں طغیانی آگئی ہے جس کے باعث صورت حال خطرناک ہورہی ہے۔

شدید بارشوں سے کتنا جانی نقصان ہوا، فوری طور پر اطلاعات سامنے نہیں آسکی ہیں۔

Comments

یہ بھی پڑھیں