کراچی: بالائی علاقوں میں برفباری کے ساتھ کراچی سمیت ساتھ ملک بھر سردی کی شدید لہر جاری ہے۔
تفصیلات کے مطابق ملک بھر میں شدید سردی کی لہر جاری ہے، کراچی بھی کولڈ ویو کی لپیٹ میں آ گیا ہے، اور شہر میں سرد ہواؤں کا راج ہے۔
کراچی کا موجودہ درجہ حرارت 10 ڈگری سینٹی گریڈ ریکارڈ کیا گیا، آج رات ٹھنڈ مزید بڑھنے کی پیشگوئی کی گئی ہے، اور آئندہ چند روز میں سردی کی شدت میں مزید اضافہ ہوگا۔
محکمہ موسمیات کے مطابق کراچی میں آج درجہ حرارت 6 سے 7 ڈگری رہنے کا امکان ہے، دن میں موسم خشک اور رات میں سرد رہے گا، 10 کلو میٹر فی گھنٹہ کی رفتار سے ہوا چل رہی ہے۔
دوسری طرف گلگت بلتستان، آزاد کشمیر، اور خیبر پختون خوا کے بالائی علاقوں میں ہر طرف برف ہی برف نظر آتی ہے۔
بلوچستان میں خون جماتی سردی کے باعث نظام زندگی شدید متاثر ہو گئی ہے، کوئٹہ میں پارہ منفی 8 ڈگری پر آ گیا ہے، زیارت میں منفی 15 اور قلات میں منفی 11 ریکارڈ کیا گیا۔
مری میں برفباری کے بعد سیاحوں کی خاصی تعداد سرد اور خوب صورت موسم سے لطف اندوز ہونے کے لیے پہنچ گئی ہے۔
