ریاض: سعودی محکمہ ٹریفک نے شہریوں پر واضح کیا ہے کہ مساجد کے اطراف غیر منظم انداز میں گاڑی پارک کرنے پر جرمانہ عائد ہوگا۔
سوشل میڈیا پر جاری پیغام میں محکمہ ٹریفک نے شہریوں کویاد دہانی کراتے ہوئے لکھا کہ مساجد کے اطراف غلط انداز میں گاڑی کھڑی کرنے پر سو سے ڈیڑھ سو ریال جرمانہ کیا جائے گا۔
إيقاف المركبات بشكل عشوائي وغير منظم عند محيط الجوامع أثناء أداء الصلوات، تصرف غير حضاري وينتهك حقوق الآخرين في استخدام الطريق. #المرور_السعودي pic.twitter.com/1kSNexbrIk
— المرور السعودي (@eMoroor) December 20, 2019
محکمے نے کہا کہ نماز کی ادائیگی کے لیے آنے والے افراد گاڑیاں غیر منظم انداز میں پارک کرنے سے گریز کریں کیونکہ یہ غیر مہذب طریقہ ہے جس سے دوسروں کے راستے کی حق تلفی ہوتی ہے۔
محکمے نے شہریوں کو تنبیہ کی ہے کہ وہ غلط انداز میں گاڑیاں پارک کرکے دوسروں کے حقوق جو پامال نہ کریں ، سڑک کے غلط استعمال سے دوسروں کی حق تلفی کرنے اور قانون کی خلاف ورزی پر جرمانہ بھرنا ہوگا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں