بنکاک : نیشنل ڈیزاسٹر وارننگ ڈپارٹمنٹ کاکہنا ہے تھائی لینڈ کے جنوبی علاقوں میں شدید سیلاب کے نتیجے میں14افراد ہلاک ہوگئے ہیں جبکہ ہلاکتوں میں مزید اضافے کا خدشہ ظاہر کیا گیا۔
تفصیلات کےمطاب تھائی لینڈکےجنوبی علاقوں میں شدید سیلاب کے باعث نظام زندگی درہم برہم ہوگیا ہے۔سیلاب کےنتیجے میں 14 افرادجان کی بازی ہارچکے ہیں۔
تھائی لینڈ کے وزارت داخلہ کا کہنا ہے کہ چھ روز سےجاری سیلاب سے تقریباًپانچ لاکھ سے زائد افرادمتاثرہوئے ہیں جبکہ ملک کے جنوبی علاقوں کوجانے والی مرکزی ریلوے لائن بھی منقطع ہوگئی ہے۔
غیرمتوقع بارشوں اورسیلاب کےباعث تھائی لینڈ میں سیاحتی سیزن کےمتاثرہونےکابھی خدشہ ہے۔سیلاب سے میانمار کے جنوب اور ملائشیاکےشمالی علاقے بھی متاثرہوئےہیں۔
مزید پڑھیں:شمالی کوریا میں سیلاب،133افراد ہلاک
یاد رہے کہ رواں سال ستمبر میں شمالی کوریا کے جنوب مشرقی سرحدی علاقےمیں سیلاب سے 133 سے افراد ہلاک جبکہ سینکڑوں افراد لاپتہ ہوگئےتھے۔
واضح رہے کہ سیلاب کے نتیجے میں 35 ہزار کے قریب گھروں کو نقصان پہنچا تھاجس میں سے بیشتر مکمل طور پر تباہ ہوگئے تھےجبکہ 8 ہزار سے زائد عمارتیں شدید متاثر ہوئی تھیں۔