ریاض: سعودی عرب کے محکمہ موسمیات نے آئندہ دو ہفتوں تک سارے ملک میں موسلا دھار اور طوفانی بارشوں کی پیش گوئی کردی۔
تفصیلات کے مطابق منگل کے روز بھی سعودی عرب کے مختلف شہروں میں تیز ہواؤں کے ساتھ بارش ہوئی، سعودی گیزیٹ نے حرم کی ویڈیو بھی شیئر کی جس میں دیکھا جاسکتا ہے کہ تیز بارش ہورہی ہے۔
حالیہ بارشوں کے بعد گرمی کی شدت میں معمولی کمی آئی جبکہ محکمہ موسمیات نے خوشخبری دی کہ آئندہ دو ہفتوں تک مسلسل بارش ہوگی۔
میٹ آفیسر الاحمدی کا کہنا تھا کہ گزشتہ جمعے سے سعودی عرب میں خزان کا موسم شروع ہوگیا، جس کے بعد سے بارش کا سسٹم بنا اور یہ اکتوبر کے پہلے ہفتے تک مملکت کے مختلف شہروں میں برستا رہے گا۔
#VIDEO: Heavy #Rain lashed #Makkah on Tuesday evening. pic.twitter.com/urw8oYwoKr
— Saudi Gazette (@Saudi_Gazette) October 1, 2019
اُن کا کہنا تھا کہ ’سعودی عرب کے مشرقی اور مغربی علاقوں میں تیز بارش ہوگی جبکہ مدینہ میں بھی طوفانی اور موسلا دھار بارش کا امکان ہے، حالیہ سسٹم کے بعد سے گرمی کی شدت کم ہونا شروع ہوگی‘۔ انہوں نے بتایا کہ یہ سسٹم عمان اور یمن میں بھی داخل ہوگا۔
