The news is by your side.

Advertisement

کراچی کے مختلف علاقوں میں تیز ہوا کے ساتھ بارش، موسم خوشگوار

کراچی: شہر قائد کے مختلف علاقوں میں تیز ہوا کے ساتھ بارش کے باعث موسم خوشگوار ہوگیا اور شہر میں دو روز سے جاری گرمی کا زور ٹوٹ گیا ہے۔

تفصیلات کے مطابق کراچی کے مختلف علاقوں میں تیز ہوا کے ساتھ بارش کا سلسلہ جاری ہے جس کے بعد موسم خوشگوار ہوگیا، گلشن معمار، گلستان جوہر، گلشن اقبال، صفورا چورنگی میں تیز بارش ہوئی ہے۔

سبزی منڈی، حسن اسکوائر، ناظم آباد میں بھی تیز بارش ہوئی ہے، موٹر پولیس کے مطابق ایم نائن کراچی تا نوری آباد تک تیز کے ہوا ساتھ بارش کا سلسلہ جاری ہے، روڈ پر پھسلن ہے گاڑی احتیاط سے چلائیں۔

بارش کے باعث نیشنل اسٹیڈیم میں وکٹوں پر کوور رکھنا مشکل ہوگیا، وکٹوں کو بچانے کے لیے گراؤنڈ مین نے اقدامات شروع کردئیے، پاکستان اور سری لنکا سیریز کے لیے 5 وکٹیں بنائی گئی ہیں۔

مزید پڑھیں: کراچی میں 25 اور 26 ستمبر کو ہلکی بارش اور تیز ہوائیں چلنے کا امکان

محکمہ موسمیات کا کہنا ہے کہ کراچی کا موسم خوشگوار ہے، درجہ حرارت 24 ڈگری سینٹی گریڈ ہے، کراچی میں ہوا میں نمی کا تناسب 90 فیصد ہے۔

محکمہ موسمیات کے مطابق کراچی میں مختلف سمت سے تیز ہوائیں چل رہی ہیں، بیکا طوفان بحریہ عرب میں موجود ہے جو عمان کی جانب بڑھ رہا ہے۔

واضح رہے کہ اس سے قبل ڈائریکٹر محکمہ موسمیات سردار سرفراز کا کہنا تھا کہ 24 اور 25 ستمبر تک سمندری طوفان اومان کے ساحل پر اثرانداز ہوسکتا ہے جبکہ 25 ستمبر سے سمندری ہوائیں بحال ہونے کا امکان ہے۔

ان کا کہنا تھا کہ 25 اور 26 ستمبر کو کراچی میں ہلکی بارش کا بھی امکان ہے لیکن اب محکمہ موسمیات کا کہنا ہے کہ کراچی کے شمال اور شمال مغربی علاقوں میں ہلکی بارش اور آندھی کا امکان ہے۔

Comments

comments

یہ بھی پڑھیں