The news is by your side.

Advertisement

لاہور سمیت پنجاب کے مختلف علاقوں میں موسلادھار بارش

لاہور: صوبہ پنجاب کے دارالحکومت لاہور سمیت مختلف شہروں میں موسلادھار بارش اور تیز آندھی کے باعث مختلف حادثات میں ایک شخص جاں بحق اور7 افراد زخمی ہوگئے۔

تفصیلات کے مطابق لاہور سمیت گجرات، گجرانوالہ، شیخوپورہ اور ساہیوال سمیت مختلف شہروں میں موسلادھا بارش اور تیزآندھی کے باعث مختلف حادثات میں 7 افراد زخمی ہوگئے۔

لاہور کے علاقے شیرشاہ کالونی میں بارش کے باعث مکان کی چھت گرنے سے ایک شخص جاں بحق جبکہ 3 افراد زخمی ہوگئے، جڑانوالہ کے نواحی گاؤں میں گھرکی چھت گرنے سے ماں اور 4 بچے زخمی ہوگئے۔

بارش سے جہاں موسم خوشگوار ہوگیا ہے وہیں اس کے باعث نشیبی علاقے زیر آب گئے ہیں، سڑکیں تالاب کا منظر پیش کررہی ہیں جبکہ بجلی کا نظام بھی شدید متاثر ہوا ہے۔

محکمہ موسمیات کے مطابق لاہور میں سب سے زیادہ بارش تاج پورہ میں 44 ملی ریکارڈ کی گئی جبکہ جوہرٹاؤن میں 36، اقبال ٹاؤن اور نشتر ٹاؤن میں 35 ملی میٹر، گلبرگ میں 32 ملی میٹر ریکارڈ کی گئی۔

دوسری جانب کراچی میں تیز ہوائیں چلنے کے باعث گرمی کی شدت میں کمی واقع ہے، تاہم آئندہ 24 گھنٹوں کے دوران مطلع جزوی ابرآلود رہنے کا امکان ہے۔

Comments

comments

یہ بھی پڑھیں