The news is by your side.

Advertisement

شمالی برطانیہ میں شدید بارش، برف باری اور سیلاب کی پیش گوئی

مانچسٹر: شمالی برطانیہ میں آج شدید بارش، تیز ہوا اور برف باری کی پیش گوئی کی گئی ہے۔

تفصیلات کے مطابق شمالی برطانیہ میں متوقع خراب موسم کو مد نظر رکھتے ہوئے شہریوں کو محتاط رہنے کی ہدایات کی گئی ہیں، محکمہ موسمیات نے پیش گوئی کی ہے کہ آج تیز ہواؤں کے ساتھ شدید بارش کا قومی امکان ہے۔

موسمیات نے بارش کے باعث نشیبی علاقوں میں سیلاب کی پیش گوئی بھی کی ہے، محکمے کی جانب سے کہا گیا کہ برف باری سے ٹریفک کا نظام متاثر ہونے کا اندیشہ ہے، جب کہ آیندہ چند روز تک موسم خراب رہے گا۔

برطانیہ: ڈینس طوفان سے متعدد علاقے متاثر، 2 افراد ہلاک

خیال رہے کہ گزشتہ ہفتے برطانیہ میں ڈینس طوفان نے تباہی مچا دی تھی، ویلز میں متعدد علاقے طوفان سے شدید متاثر ہوئے، طوفان کے باعث 2 افراد ہلاک ہوئے۔ ساؤتھ ویلز میں طوفان کو بڑا واقعہ قرار دیا گیا، معمول کی زندگی درہم برہم ہو گئی، متعدد علاقے زیر آب آئے، طوفان کے باعث جنوبی برطانیہ میں 90 میل فی گھنٹے کی رفتار سے ہوائیں چلتی رہیں، سینکڑوں پروازیں معطل ہوئیں، طوفان تھم جانے کے بعد بھی ساؤتھ ویلز میں سیلابی کیفیت رہی۔

اس سے قبل آنے والے طوفان کیارہ سے بھی بڑے پیمانے پر تباہی ہوئی تھی، نشیبی علاقے زیر آب آ گئے تھے جب کہ جہاز، ٹرین اور پبلک ٹرانسپورٹ بری طرح متاثر ہوئی تھی، طوفان کیارہ کے باعث 2 افراد بھی لقمہ اجل بنے تھے، جب کہ 5 لاکھ سے زائد گھروں کی بجلی کٹ گئی تھی۔

fb-share-icon0
Tweet 20

Comments

comments

یہ بھی پڑھیں