کراچی، حیدرآباد اور میرپور خاص میں اربن فلڈ کی وارننگ جاری -
The news is by your side.

Advertisement

کراچی، حیدرآباد اور میرپور خاص میں اربن فلڈ کی وارننگ جاری

کراچی: محکمہ موسمیات نے منگل کی شام سے جمعہ تک ہونے والی بارش کے باعث کراچی اور سندھ کے دیگر زیریں علاقوں میں اربن فلڈ کی باقاعدہ وارننگ جاری کردی۔

محکمہ موسمیات نے سندھ کے علاوہ ملک کے دیگر حصوں میں بھی شدید بارش کی پیش گوئی کی ہے۔

محکمے کی جانب سے جاری کی گئی پریس ریلیز کے مطابق مون سون کا طاقتور اسپیل ملک کے جنوبی حصوں کو متاثر کرے گا۔

پریس ریلیز کے مطابق ہزارہ ڈویژن، راولپنڈی، گوجرانولہ، لاہور، سرگودھا، فیصل آباد، ڈیرہ غازی خان، ملتان، بہاولپور، میرپور خاص، شہید بینظیر آباد، حیدرآباد، قلات، کوئٹہ، سبی، ژوب، نصیر آباد، اسلام آباد اور کشمیر میں طوفان اور شدید بارشیں ہوں گی جبکہ آج کا دن موسم گرم اور مرطوب رہے گا۔

مزید پڑھیں: کراچی میں سیلاب کا خطرہ، بچاؤ کیسے ممکن؟

محکمہ موسمیات نے کراچی، حیدرآباد اور میرپور خاص میں اربن فلڈ کی وارننگ جاری کردی ہے جبکہ مشرقی بلوچستان کے ندی نالوں میں پانی بھر جانے سے فلیش فلڈ کا خطرہ بھی ظاہر کیا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں