کابل : افغان صوبے ننگرہار میں بارشوں اور سیلاب سے 47 افراد جاں بحق اور سینکڑوں مکانات تباہ ہوگئے۔
تفصیلات کے مطابق افغانستان کے صوبے ننگرہار میں موسلادھار بارشوں اور سیلاب نے تباہی مچادی ، مخلتف حادثات میں سینتالیس افراد جاں بحق اور تین سو سے زائد زخمی ہو گئے۔
افغان حکام کا کہنا ہے کہ بارش سے چار سو کچے مکانات تباہ اور بجلی کی فراہمی معطل ہو گئی جبکہ مختلف حادثات میں تین سو پچاس سے زائد زخمی بھی ہوئے۔
- Advertisement -
سی دا چلڈرن تنظیم نے بتایا ننگر ہار میں سیلاب کے بعد پندرہ سے زائد بچے لاپتہ ہیں یا اپنے گھر والوں سے بچھڑ گئے ہیں۔
افغانستان کے صوبے نگرہار کے مختلف اضلاع میں اس وقت سیلابی صورتحال کا سامنا ہے، افغان میڈیا کے مطابق سیلاب کے باعث لوگوں کے مال مویشی کو بھی نقصان پہنچا ہے جب کہ کچھ دیہات مکمل طور پر سیلاب میں بہہ گئے ہیں۔
