The news is by your side.

Advertisement

موسلادھار بارشوں نے بھارت میں تباہی مچادی، کئی اموات

اترپردیش: بھارتی ریاست اترپردیش میں جاری موسلادھار بارش نے معمولات زندگی درہم برہم کردیا ہے۔

بھارتی میڈیا رپورٹ کے مطابق اتر پردیش میں جاری بارش سے کئی مکان زمیں دوز ہوگئے جب کہ درخت اور بجلی کے کھمبے گرنے سے کئی علاقوں میں بجلی نظام متاثر ہوا، بارش سے ہونے والے حادثات میں کم سے کم پانچ افراد مارے گئے جب کہ متعدد کے زخمی ہونے کی اطلاعات ہیں۔

جونپور سے موصول رپورٹ کے مطابق کئی کچے مکان زمین دوز ہوگئے جس کے ملبے تلے دبنے سے ایک ہی خاندان کے تین افراد سمیت چار لوگوں کی موت واقع ہوگئی جبکہ دیگر کئی افراد زخمی ہوئے۔

یہ بھی پڑھیں: بھارت میں شدید بارشوں سے ہولناک تباہی

بارش کی وجہ سے سڑک، ریل اور ہوائی آمد و رفت متاثر ہوئی، اموسی ائیر پورٹ پر کئی پروازیں منسوخ کردی گئی ہیں جبکہ ریلوے ٹریک زیرآب آنے سے لکھنؤ، جھانسی کے درمیان ٹرین سروس معطل ہوئی ہے،

لکھنؤ، کانپور، پریاگ راج، ایودھیا، بارہ بنکی اور کشی نگر سمیت ریاست کے کئی اضلاع بارش سے شدید متاثر ہوئے، شدید بارشوں کے باعث اسکولوں میں تعطیلات دے دی گئیں ہیں۔

ایودھیا میں اب تک 2 سینٹی میٹر سے زائد بارش ریکارڈ کی جاچکی جبکہ رائے بریلی کے فرصت گنج میں 186.3 ملی میٹر، لکھنؤ میں 157.2 ملی میٹر، سلطان پور میں 138.4 ملی میٹر، بانس گاؤں گوکھپور میں 142 ملی میٹر، سنت کبیر نگر کے گھنگھٹا میں 128 ملی میٹر بارش درج کی گئی ہے، موسلادھار بارشوں کے باعث لگاتار دریائے گنگا، جمنا،گھاگھرا، سریو اور گومتی ندی کی آبی سطح میں اضافہ ہوگیا ہے۔

Comments

یہ بھی پڑھیں