کوئٹہ: بلوچستان میں حالیہ طوفانی بارشوں کے دوران مختلف حادثات میں 62 افراد جاں بحق ہو گئے۔
تفصیلات کے مطابق پاکستان ڈیزاسٹر منیجمنٹ اتھارٹی کا کہنا ہے کہ حالیہ بارش کے دوران بلوچستان میں مختلف حادثات میں 62 افراد جاں بحق ہوئے، جن میں 23 خواتین اور 24 بچے شامل۔
پی ڈی ایم اے کے مطابق اموات بولان، کوئٹہ، ژوب، دکی، خضدار، کوہلو، کیچ میں رپورٹ ہوئیں، مستونگ، ہرنائی، قلعہ سیف اللہ اور سبی سے بھی اموات رپورٹ ہوئی ہیں۔
پی ڈی ایم اے کا کہنا ہے کہ صوبے میں مختلف حادثات کا شکار ہو کر 48 افراد زخمی ہوئے، بلوچستان میں اس دوران 670 سے زائد مکانات منہدم ہوئے۔
تیز بارش میں کراچی کا بیش تر علاقہ ڈوب گیا، انتظامیہ غائب، شہریوں کی نقل مکانی، 3 جاں بحق
حالیہ مون سون بارشوں سے حب ڈیم میں پانی کی سطح میں اضافہ ہو گیا ہے، حب ڈیم کی سطح آب 334 فٹ پر پہنچ گئی، جب کہ گنجائش 339 فٹ ہے۔
پی ڈی ایم اے کے مطابق ڈیم میں پانی کی سطح 339 فٹ ہونے پر اسپل وے پانی کا خراج شروع ہو جائے گا۔
