واشنگٹن: امریکہ، ایشیااوریورپ کے مختلف ممالک سردی کی شدید لہراوربرفباری کی لپیٹ میں ہیں، امریکہ میں اب تک پینتیس اورمشرقی ایشیائی ممالک میں سردموسم سے نوے افراد ہلاک ہوچکے ہیں۔
دنیا کےمختلف ملکوں میں موسم سخت تیور دکھا رہا ہے، تائیوان میں سردی کا چوالیس سالہ ریکارڈ ٹوٹ گیا تائپے میں چارڈگری سینٹی گریڈ ریکارڈکیا گیا تو چین، جاپان، ہانگ کانگ میں بھی سردی نے معمولات زندگی منجمد کردئیے۔
جنوبی کوریا میں بھی خراب موسم کے باعث سینکڑوں پروازیں منسوخ ہونے سے مسافروں کو سخت مشکلات کا سامنا کرنا پڑا۔
ادھر مشرقی امریکی ریاستوں میں شدید برفانی طوفان کے بعد معمولات زندگی بحالی کی طرف گامزن ہیں تاہم پوری طرح بحال ہونے میں کئی روز لگ سکتےہیں۔
امریکی حکومت کے دفاتراورواشنگٹن میں تعلیمی ادارے پیرتک بند رہے جبکہ دفاترمنگل کوبھی بند رہیں گے۔
امریکہ میں سردی کی اس شدید لہرکے سبب اب تک 35 افراد ہلاک ہوچکے ہیں جبکہ ایشیائی ممالک میں ہلاک ہونے والوں کی تعداد نوے سے زیادہ ہوچکی ہے۔
سڑکوں،گلیوں اورگھروں کےباہرسےبرف ہٹانےکاکام جاری ہے۔ واشنگٹن، بالٹی مور، نیویارک اورفیلاڈیلفیا میں ریل سروس جزوی طورپربحال ہوچکی ہے۔