نئی دہلی : ٹی ٹین لیگ کے سرکردہ سرمایہ کار ہیرا گولڈ گروپ کا مالیاتی اسکینڈل بے نقاب ہوگیا، بھارتی حکام نے پونزی اسکیم کی تصدیق کردی۔
تفصیلات کے مطابق بھارت میں ہیرا اسلامک بزنس گروپ کی سرگرمیاں مالیاتی فراڈ قرار دے دی گئی ہیں، ہیراگولڈ میں سرمایہ کاری کرنے والے بیشتر سرمایہ کار شدید پریشانی اور بے چینی کا شکار ہیں۔
اس کے علاوہ ہیرا گولڈ کمپنی کی جانب سے ادائیگیاں بھی تاخیر کا شکار ہیں، بھارتی شہر حیدر آباد میں دھوکہ دہی میں ملوث کمپنی کا ہیڈ آفس بند کردیا گیا۔ پریشان سرمایہ کاروں نے اپنی رقوم ی ادائیگی کیلئے بینگلور حیدرآباد اور دیگر شہروں میں مظاہرے بھی کئے۔
مظاہرین کا کہنا ہے کہ گروپ نے پہلے ہرماہ منافع دینے کا کہا تھا بعد میں یہ تین ماہ ہوا اور اب مزید تاخیر کا شکار ہے۔ واضح رہے کہ ہیرا گولڈ کی سربراہ نے سال دوہزار سترہ میں انتخابات میں حصہ لیا، سرمایہ کاروں کا پیسہ وہاں جھونک دیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں