The news is by your side.

Advertisement

بھارت کے یومِ آزادی پرمقبوضہ کشمیر میں یوم سیاہ منایا جا رہا ہے

مقبوضہ کشمیر: بھارت کے یوم آزادی پرمقبوضہ کشمیر میں یوم سیاہ منایا جا رہا ہے، مقبوضہ وادی میں مکمل ہڑتال ہے اور قابض بھارتی انتظامیہ نے کشمیریوں کو احتجاج سے روکنے کے لئے سرینگر میں کرفیو نافذ کردیا ہے۔

مقبوضہ کشمیرمیں بھارت کا یوم آزادی ہمیشہ کی طرح یوم سیاہ کے طور پر منایا جا رہا ہے، بھارتی غاصبانہ قبضے سے آزادی مانگتے کشمیری عوام نے اپنے رہنماؤں کی اپیل پرلبیک کہتے ہوئے مکمل ہڑتال کی ہے، تعلیمی اداروں سے لے کر بڑے بڑے کاروباری مراکز تک سب کچھ بند ہے اور معمول کی زندگی معطل ہے۔

نہتے کشمیریوں سے خوفزدہ طاقتور قابض انتظامیہ نے میرواعظ عمرفاروق، علی گیلانی سمیت تمام رہنماؤں کو نظر بند کردیا اور کشمیریوں کی آواز کو دبانے کے لئے سرینگرمیں کرفیو لگا دیا۔

پاکستان کی محبت سے سرشار کشمیریوں نے گذشتہ روز پاکستان کا یوم آزادی تمام تر پابندیوں کے باوجود انتہائی جوش وخروش سے منایا، خاتون حریت رہنما آسیہ اندرابی نے دیگرخواتین کے ساتھ پاکستانی ترانہ گایا اور پاکستانی پرچم لہرائے۔

بھارتی ظلم وستم کے باوجود کشمیریوں نے ثابت کردیا کہ ان کے دل پاکستان کے ساتھ دھڑکتے ہیں۔

Comments

comments

یہ بھی پڑھیں