site
stats
پاکستان

مقبوضہ کشمیر: 17ویں دن بھی کرفیو نافذ، شہادتوں کی تعداد 56ہوگئی

سری نگر : بھارت کی جانب سے کشمیر میں بربریت کا سلسلہ جاری ہے، مسلسل سترہویں دن بھی کرفیو نافذ ہے، بھارتی فورسزکے ہاتھوں شہید افراد کی تعداد چھپن ہوگئی ہے جبکہ پانچ ہزار افراد زخمی ہیں، حریت کانفرنس نے آج مظاہروں کا اعلان کیا ہے۔

مقبوضہ کشمیر میں مسلسل سترہویں دن بھی نظام زندگی معطل ہے، کرفیو کے باعث مقبوضہ وادی میں کھانے پینے کی اشیاء اور دواؤں کی شدید قلت ہوگئی ہے، انٹرنیٹ، موبائل سروس بدستور بند ہیں جبکہ اخبارات پر بھی پابندی ہے۔

بھارتی فورسز کے مظالم پر احتجاج کرنے والے کشمیریوں پر پیلٹ گن سے فائرنگ کی گئی، جس سے متعدد نوجوان بینائی سے محروم ہوگئے ہیں۔

حریت کانفرنس نے آج ہڑتال اور مظاہروں کی اپیل کی ہے جبکہ متعدد رہنما گھروں میں نظربند ہیں۔

KASHMIR POST 1

دوسری جانب بھارتی وزیرداخلہ راج ناتھ سنگھ کا دورہ کشمیر مکمل طورپر ناکام رہا، جسے چھپانے کے لئے ایک بار پھر پاکستان پرالزام لگا دیا گیا، کشمیری نوجوان تمام تر ظلم و جبرکے باوجود بھارت سے آزادی کے لئے پرعزم ہیں۔

واضح رہے کہ 8 جولائی کو مجاہد کمانڈر مظفر وانی کی شہادت کے بعد وادی میں بھارتی افواج کے خلاف شدید مظاہرے کئے گئے تھے، جس پر قابض فوج نے فائرنگ کردی تھی، بھارتی فوج کی فائرنگ کے باعث 16 افراد شہید جبکہ متعدد زخمی ہوئے تھے، جس کے بعد زخمیوں کی تعداد بڑھتے بڑھتے 56 تک جاپہنچی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top