The news is by your side.

Advertisement

مقبوضہ کشمیر میں بھارتی فورسز کا مہلک ترین ہتھیاروں کا استعمال، درجنوں افراد نابینا

سری نگر : کشمیری رہنما برہان وانی کی شہادت کے بعد مقبوضہ کشمیر بدستورکشیدگی کی لپیٹ میں ہے، اسپتال ذرائع کا کہنا ہے کہ بھارتی فورسز مہلک ترین ہتھیار استعمال کر رہے ہیں جس سے درجنوں افراد نابینا ہوگئے۔

kash-2

مقبوضہ کشمیر میں سات لاکھ سے زائد فوج کے باوجود بھارت نہتے کشمیریوں سے خوفزدہ ہے، بھارتی فورسز کی جانب سے آگ وخون میں نہانے کے باوجود کشمیریوں عوام کے حوصلے پست نہ ہوئے۔

قابض انتظامیہ نے احتجاجی تحریک کو طاقت کے زور پر کچلنے کی ایک بار پھرکوشش کی گئی، وادی میں کرفیو نافذ ہے، انٹرنیٹ اور موبائل سروس بند ہے جبکہ سید علی گیلانی اورمیرواعظ سمیت متعدد رہنماؤں کوگرفتارکرلیا گیا ہے۔

inda-1

اسپتال ذرائع کے مطابق بھارتی فورسز کے اہلکار اسپتالوں میں گھس کر زخمیوں پر تشدد کر رہے ہیں، بھارتی فورسز مہلک ترین ہتھیار استعمال کر رہے ہیں جس سے درجنوں افراد نابینا ہوگئے، نوجوان رہنما برہان وانی کی شہادت نے آزادی کے شعلے کو جونئی زندگی دی ہے، بھارت تمام ترمظالم کے باوجود اسے بجھا نہیں سکے گی۔

Print Friendly, PDF & Email

Comments

comments

یہ بھی پڑھیں