جرمنی میں ہیلی کاپٹر ایمبولینس کاکا م انجام دیتے ہیں -
The news is by your side.

Advertisement

جرمنی میں ہیلی کاپٹر ایمبولینس کاکا م انجام دیتے ہیں

جرمنی میں عام آدمی کے لئے ہیلی کاپٹر ایمبولینس استعمال کیا جاتا ہے۔ جرمن میڈیا کے مطابق جرمنی میں جب کوئی بیمار ہوجائے تو ایمرجنسی نمبر پر کال کرنے پر اسے ہیلی کاپٹر ایمبولینس سے فوری طبی امداد دی جاتی ہے۔

ہیلی کاپٹر ایمبولینس جرمنی کی بہت اچھی سروس ہے۔ بعض او قات سڑکوں پر زیادہ رش ھونے کی وجہ سے مریض کو ہسپتال ٹرانسفر کرنے میں اچھا خاصا وقت بھی لگ جاتا ہے جس کی وجہ سے مریض کو ہسپتال لے جانے میں کافی مشکلات کا سامنا کرنا پڑتا ہے اور مریض بروقت ٹریٹمنٹ نا ہونے کی وجہ سے جاں کی بازی ہار جاتا ہے۔

یہ ای ایم ایس ہیلی کاپٹر سروس اے ڈی اے سی نامی غیرمنافع بخش آٹو موبائل کلب‘ ڈی آرایف نامی ادارہ اور وزارت داخلہ کے اشتراک سے چلائی جارہی ہے اورلگ بھگ پورے جرمنی میں ہر جگہ پہنچنے کی صلاحیت رکھتی ہے۔ سروس کے زیادہ تر ہیلی کاپٹر دن میں استعمال ہوتے ہیں تاہم رات میں بھی سروس آپریشنل ہوتی ہے۔

ہیلی ایمبولنس میں میڈیکل کا عملہ ہوتا ہے جو کہ عموماً دو افراد پر مشتمل ہوتا ہے اور پائلٹ کے علاوہ بعض مخصوص نوعیت کے ہیلی کاپٹرز میں ایک اضافی فلائٹ ٹیکنیشن بھی ہوتا ہے۔

اے ڈی اے سی کے پاس 35 ہیلی کاپٹرز ہیں جبکہ ڈی آر ایف 30 ہیلی کاپٹرز کے ساتھ سروس فراہم کرتی ہے۔ وزارتِ داخلہ کے زیرانتظام 12 ریسکیو ہیلی کاپٹرز ہیں جنہیں پائلٹ پولیس مہیا کرتی ہے۔

کچھ پرائیویٹ اور ملٹری ہیلی کاپٹرز اس کے علاوہ ہیں جو ضرورت پڑنے پر اس آپریشن میں مدد گار شامل ہوتے ہیں‘ اے ڈی اے سی کےپاس بیرونِ ملک منتقلی کے لیے خصوصی طیارہ بھی ہے جسے ایمرجنسی کی صورت میں استعمال کیا جاتا ہے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Comments

comments

یہ بھی پڑھیں