The news is by your side.

Advertisement

ابوظہبی: ہیلی کاپٹر گرکر تباہ، غیر ملکی سمیت عملے کے 4 افراد ہلاک

ابوظہبی: متحدہ عرب امارات میں ہیلی کاپٹر گرکر تباہ ہوگیا، حادثے میں غیر ملکی سمیت عملے کے چار افراد ہلاک ہوگئے۔

تفصیلات کے مطابق یو اے ای سول ایوی ایشن حکام کے کہنا ہے کہ یہ حادثہ عرب امارات کے شہر راس آل خامیہ کے پہاڑی علاقے میں پیش آیا۔

غیر ملکی خبر رساں ادارے کے مطابق تباہ ہونے والا ہیلی کاپٹر ریسکیو مشن پر تھا کہ ریڈار سے اس کا رابطہ اچانک منقطع ہوگیا، حادثے میں عملے کے چاروں افراد موقع پر ہلاک ہوگئے۔

حادثے میں ہلاک ہونے والوں میں ایک غیرملکی کریو ممبر بھی شامل تھا، شہر کے گورنر نے ہیلی کاپٹر حادثے کی فوری تحقیقات کا حکم دیکر رپورٹ طلب کرلی ہے۔

نیوزی لینڈ میں ہیلی کاپٹرحادثہ، پائلٹ سمیت 7 افراد ہلاک

حکام کا کہنا ہے کہ واقعہ مقامی وقت کے مطابق ٹھیک 5:50 بجے شام پیش آیا۔خیال رہے کہ حکام نے ہلاکتوں کی اب تک تصدیق نہیں کی۔

حکام کے مطابق حادثے کی وجہ کیا بنی یہ کہنا قبل از وقت ہوگا، تحقیقاتی ادارے واقعے کی فوری تحقیقات کررہے ہیں۔

خیال رہے کہ رواں سال اگست میں امریکا میں پولیس ہیلی کاپٹر ٹیک آف کرتے ہوئے توازن برقرار نہ رکھ سکا اور حادثے کا شکار ہوگیا تھا، حادثے کے نتیجے میں پائلٹ شدید زخمی ہوا تھا۔

واضح رہے کہ نومبر 2015 میں نیوزی لینڈ کی برف پوش پہاڑیوں سے ٹکرا کر ہیلی کاپٹر تباہ ہوگیا تھا جس کے نتیجے میں پائلٹ سمیت 7 سیاح ہلاک ہوگئے تھے۔

Comments

comments

یہ بھی پڑھیں