The news is by your side.

Advertisement

ہیلمٹ کے بغیر شارع فیصل پر سفر کی اجازت نہیں ، ڈی آئی جی ٹریفک

کراچی : ڈی آئی جی ٹریفک نے ہیلمٹ پہننا لازم مہم کا آغاز پر کہا کسی کو بھی بنا ہیلمٹ بائیک چلانے نہیں دیں گے اور شارع فیصل پر بغیرہیلمٹ سفر کی اجازت نہیں ہوگی۔

تفصیلات کے مطابق ٹریفک پولیس کی جانب سے ہیلمٹ پہننا لازم مہم کا آغاز کردیا گیا ، جس کے تحت شہر بھر میں بغیر ہیلمٹ موٹر سائیکل چلانے کی اجازت نہیں ہو گی ، ٹریفک پولیس کی جانب سے ہیلمٹ نہ پہننے والے موٹر سائیکل سواروں کے چالان کئے جارہے ہیں ۔

شاہراہ فیصل پر مہم کے آغاز کے موقع پر ڈی آئی جی ٹریفک جاویدمہر نے کہا کسی کو بھی بناہیلمٹ بائیک چلانے نہیں دیں گے، شارع فیصل پرکسی کوبھی بناہیلمٹ بائیک چلانے کی اجازت نہیں ہوگی، شارع فیصل پر کوئی موٹرسائیکل سوار بنا ہیلمٹ نہ آئے۔

جاویدمہر نے واضح الفاظ میں کہا ہیلمٹ نہیں توسفرنہیں، بغیر ہیلمٹ چالان پرموٹرسائیکل ہیلمٹ لانے پرملےگی، شارع فیصل تاجروں کی مدد سے ہیلمٹ اسٹال لگائےگئے ہیں، 13 مقامات پر قائم اسٹالز پر ڈسکاؤنٹ پر ہیلمٹ ملیں گے، 400 سے زائد ہیلمٹ بانٹے جاچکے ہیں۔

ڈی آئی جی ٹریفک نے کہا حادثات کی شرح کم کرنے کیلئے فیصلہ کیاگیاہے، ہیلمٹ ہوناانتہائی ضروری ہے اوریہ انسانی زندگی کی چھوٹی سی قیمت ہر موٹر سائیکل سوار کو ادا کرنی چاہیے۔

یاد رہے رواں سال جنوری میںڈی آئی جی ٹریفک جاویدمہر نے کمشنرکراچی کوخط ارسال کیا تھا جس میں کہا گیا تھا کہ موٹرسائیکل سوار کو بغیر ہیلمٹ پیٹرول نہیں ملےگا، پمپس انتظامیہ نوٹیفکیشن لگانے کی پابند ہوگی۔

خط کے متن میں کہا گیا تھا کہ خلاف ورزی کرنیوالے پمپ مالکان کے خلاف کارروائی کی جائےگی، پابندی سے متعلق نوٹیفکیشن کمشنر کراچی جاری کریں ۔

Comments

یہ بھی پڑھیں