سعودی عرب: غیر قانونی پاکستانیوں‌ کی واپسی کیلئے ہیلپ ڈیسک قائم Pakistan embassy
The news is by your side.

Advertisement

سعودی عرب: غیر قانونی مقیم پاکستانیوں‌ کی واپسی کیلئے ہیلپ ڈیسک قائم

ریاض: سعودی حکومت کی جانب سے غیر قانونی طریقے سے مقیم افراد کو 3 ماہ کے اندر اپنے ممالک میں جانے کی رعایت دینے کے حوالے سے پاکستانی سفارت خانے سمیت 7 شہروں میں ہیلپ ڈیسک قائم کردی گئیں۔


یہ پڑھیں: سعودی عرب: غیرقانونی مقیم پاکستانیوں کو 3 ماہ میں ملک چھوڑنے کی رعایت


 ریاض میں پاکستانی سفارت خانے کے اعلامیے کے مطابق سعودی عرب میں بہت سے ایسے پاکستانی موجود ہیں جو غیر قانونی طور پر رہائش پذیر ہیں ان میں زیادہ تر افراد ،حج، عمرہ ،زائدالمیعادویزا، کفیل یا مختلف کمپنیوں سے بھاگے ہوے ہیں۔

سعودی حکومت کی جانب سے پاکستان سمیت تمام ممالک کے ایسے افراد کو سعودیہ عرب چھوڑنے کے لیے 3 ماہ کی رعایت دی گئی ہے اور اس سلسلے میں ریاض میں پاکستانی سفارت خانے سمیت سعودی عرب کے 7 شہروں میں فوکل پرسن بھی تعینات کر دیے ہیں۔

سفارت خانے نے خبردار کیا ہے کہ اگر 3 ماہ کے بعد بھی اگر کوئی غیر قانونی طریقے سے مقیم رہا تو اس کے خلاف سعودی حکومت سزا کے ساتھ بھاری جرمانے بھی عائد کرے گی۔

قائم مقام پاکستانی سفیر نے اپنے شہریوں کو بر وقت سہولت فراہم کرنے کے لیے تمام سفارتی عملے کی چھٹیاں منسوخ کر دی ہیں۔ ایسے تمام پاکستانیوں کے زائد المیعاد پاسپورٹوں کی مفت تجدید کرنے کے ساتھ سفری دستاویزات بھی فراہم کی جائیں گی۔ علاوہ ازیں سعودی عرب کے مختلف شہروں میں سفارتی عملے کی ٹیمیں بھی دورہ کریں گی۔

Comments

comments

یہ بھی پڑھیں