تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

پاکستان میں پہلی مرتبہ خون کے خودکار تجزیے کا نظام نصب

کراچی: پاکستان میں پہلی مرتبہ ہیماٹولوجی آٹومیشن سسٹم متعارف کرایا گیا ہے، خون کے خودکار تجزیے کا یہ نظام ڈاؤ یونیورسٹی میں نصب کیا گیا ہے۔

تفصیلات کے مطابق ڈاؤ یونیورسٹی آف ہیلتھ سائنسز میں خون کے خودکار تجزیہ کا نظام نصب کر دیا گیا، ہیماٹولوجی آٹومیشن سسٹم پاکستان میں پہلی مرتبہ نصب کیا گیا ہے، وائس چانسلر پروفیسر محمد سعید قریشی نے نئے سسٹم کا افتتاح کیا۔

نیا نصب شدہ سسٹم خود کار طریقے سے خون کا تجزیہ کرنے کے بعد ایک منٹ سے بھی کم وقت میں ڈیجیٹل نتیجہ ظاہر کر دے گا۔

اس خودکار نظام کی تنصیب سے ڈینگی، آئی ٹی پی اور دیگر امراض کے مریضوں کے خون میں سفید اور سرخ خلیوں کی تعداد اور دیگر تبدیلیوں کو فوری دیکھا جا سکے گا۔

نئے نظام میں ایک گھنٹے کے دوران 600 سے زائد خون کے نمونوں کا تجزیہ کیا جا سکے گا اور اس میں انسانی مداخلت صرف نمونہ مشین میں رکھنے تک محدود ہے، جب کہ اس سے پہلے موجودہ سسٹم میں ہر مرحلے پر انسانی مدد کی ضرورت رہتی ہے۔

اس موقع پر ڈاکٹر عظمیٰ بخاری نے بتایا کہ نئے نظام کی مشین میں صرف ایک مرتبہ خون کا نمونہ رکھنے کی دیر ہوگی، نتائج مشین پر ازخود ظاہر ہونے لگیں گے۔ دیگر ماہرین نے بتایا کہ ہیماٹولوجی آٹومیشن سسٹم (HAS) پاکستان میں نصب کیا جانے والا پہلا نظام ہے جس میں 15000 نمونوں کی خودکار نمونہ ذخیرہ کرنے کی گنجائش ہے۔

ایلینیٹی فیملی (Alinity h-series) کو آج اور مستقبل دونوں کے لیے زیادہ صلاحیت، موافقت اور غیر متوقع صورت حال میں پُر اعتمادی کے لیے ڈیزائن کیا گیا ہے، یہ نظام درج ذیل منفرد تکنیکی فوائد کا حامل ہے:

جدید MAPSST کے ساتھ جدید آپٹیکل ٹیکنالوجی

خون کے سفید خلیوں کو 6 حصوں تقسیم کر کے آپٹیکل نتائج دیتا ہے

آپٹیکل آر بی سی اور پلیٹلیٹ (PLT) تجزیہ کرتا ہے

فلوروسینٹ ریٹیکیولیٹڈ سیل کا بھی تجزیہ کرتا ہے

فرسٹ پاس فلوروسینٹ NRBC تجزیہ کرتا ہے اور

یہ سنگل موڈ آپریشن ہے!

Comments

- Advertisement -