The news is by your side.

Advertisement

انسانی دل کے حوالے سے طب کی دنیا میں بڑا انقلاب

لندن: برطانوی ڈاکٹرز نے انسانی دل کے حوالے سے طب کی دنیا میں انقلاب برپا کر دیا۔

تفصیلات کے مطابق برطانوی ڈاکٹرز نے او سی ایس مشین کے ذریعے زندہ کیے گئے دل کو انسانی جسم میں لگانے کا کامیاب تجربہ کر لیا۔

یہ کارنامہ برطانوی ادارے نیشنل ہیلتھ سروس (این ایچ ایس) کے ڈاکٹرز نے انجام دیا، جنھوں نے خصوصی مشین آرگن کیئر سسٹم کے ذریعے مردہ انسانی دل کو زندہ کیا اور پھر ایک بچے کے جسم میں ٹرانسپلانٹ کر دیا۔

ماہرین کا کہنا ہے کہ جن افراد کا دماغ کام کرنا چھوڑ دیتا ہے، تب ان کے دل تبدیلی کے لیے استعمال ہو سکتے ہیں کیوں کہ وہ اس وقت تک دھڑک رہے ہوتے ہیں۔ ان کا یہ بھی کہنا ہے کہ اس کامیاب تجربے سے میڈیکل کی دنیا میں انقلاب برپا ہوگا، اور یہ اپنی نوعیت کا پہلا کامیاب تجربہ ہے۔

رپورٹ کے مطابق ڈونرز کی طرف سے دیے گئے دل کو آرگن کیئر سسٹم میں رکھا جاتا ہے تاکہ وہ زندہ رہے اور اسی طرح کام کرتا رہے جیسا کہ انسانی جسم کے اندر کرتا ہے، آرگن کیئر سسٹم کی مشین انسانی جسم کے اندرونی نظام کی طرز پر کام کرتی ہے۔

یہ امید بھی ظاہر کی گئی ہے کہ اس کامیاب تجربے کے بعد اب دل عطیہ کرنے والے افراد کی تعداد میں اضافہ ہوگا، اور اس طرح زیادہ سے زیادہ لوگوں کی زندگی بچائی جا سکے گی۔

Comments

یہ بھی پڑھیں