تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

شاہی خاندان کی اگلی بہو نے اداکاری کو مکمل طور پر خیرباد کہہ دیا

لندن: برطانوی شہزادہ ہیری کی منگیتر اداکارہ میگن مارکل کا اداکاری کا سفر تمام ہوا، ان کے ڈرامے کی آخری قسط منظر عام پر آگئی جس کے بعد اب وہ مزید کسی ڈرامے کے لیے کام نہیں کریں گی۔

تفصیلات کے مطابق سال 2016 برطانوی شہزادہ ہیری کی منگیتر ادکارہ میگن مارکل نے منگنی کے موقع پر یہ اعلان کیا تھا کہ وہ شادی سے قبل اداکاری کی دنیا کو خیر باد کہہ دیں گی۔

گذشتہ روز امریکی اداکارہ میگن مارکل کی ٹی وی سیریز سوٹس سے علیحدگی کو ٹی وی پر دکھایا گیا، میگن آخری بار ریچل زین کے کردار میں قانونی امور کے بارے میں بننے والے امریکی ڈرامے میں ظاہر ہوئیں جس کا ساتواں سیزن امریکا میں ختم ہو گیا۔

برطانوی شہزادے اور میگن مارکل کی شادی، خصوصی کپ تیار

خیال رہے کہ 2016 میں جب میگن مارکل اور شہزادہ ہیری کی منگنی اعلان کیا گیا تو 36 سالہ اداکارہ نے کہا تھا کہ وہ اپنی زندگی کا نیا باب شروع کرنے سے پہلے اداکاری چھوڑ دیں گی جس کے بعد عملی طور پر انہوں نے ایسا ہی کیا، خیال رہے کہ اداکارہ میگن مارکل کی آئندہ ماہ کی 19 تاریخ کو برطانوی شہزادے ہیری سے شادی ہو گی۔

برطانوی شہزادہ ہیری اور صدر بارک اوباما کی نوک جھونک نے چہروں پر مسکراہٹیں بکھیردیں

یاد رہے کہ گذشہ سال نومبر کی ابتدا میں اداکارہ مارکل نے پہلی مرتبہ شہزادے ہیری کے لیے اپنی محبت کا اظہار کیا تھا، انھوں نے مقامی نشریاتی ادارے کو انٹرویو دیتے ہوئے کہا تھا کہ ہم دونوں ایک جیسے انسان ہیں ایک دوسرے کو خوب سمجتے ہیں، اور جلد رشتہ ازدواج میں بندھ جائیں گے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

- Advertisement -