The news is by your side.

Advertisement

سنجو کی کامیابیوں‌ میں‌ کتنی ناکامیاں‌ شامل

ممبئی: بالی ووڈ اداکارہ سنجے دن کی زندگی پر بننے والی فلم ’سنجو‘ باکس آفس پر کامیابی کے جھنڈے گاڑھ رہی ہے، ڈیڈلی دت کی گزشتہ پانچ فلموں نے باکس آفس پر کتنی کمائی کی فہرست پر نظر ڈالتے ہیں۔

بھومی

سنجے دت چند ماہ قبل ریلیز ہونے والی فلم بھومی کی ڈائریکشن امنگ کمار نے دی، فلم کی کہانی باپ بیٹی کے رشتے کے گرد گھومتی ہے، سنجے دت نے فلم میں ادیتی راؤ حیدری کے والد کا کردار ادا کیا ہے، فلم نے باکس آفس پر 10.63 کروڑ کا بزنس کیا اور ناکام ثابت ہوئی۔

انگلی

سنجے دت نے انگلی فلم میں ایک پولیس آفیسر اشوک کالے کا کردار نبھایا، فلم کی کہانی پولیس میں چھپی کالی بھیڑوں کو بے نقاب کرنے کے گرد گھومتی ہے، فلم میں سنجو بابا کے ہمراہ عمران ہاشمی، نیہا دھوپیا، انگد بیدی، رندیپ ہدا اور کنگنا رناوت نے بھی اداکاری کے جوہر دکھائے، انگلی نے باکس آفس پر 19.47 کروڑ کا بزنس کیا۔

زنجیر

سنجے دت کی فلم زنجیر ہندی اور تیلگو دونوں زبانوں میں ریلیز کی گئی، زنجیر میں سنجے دت کے ہمراہ اپروا لاکھیا نے مرکزی کردار ادا کیا، زنجیر بھی باکس آفس پر اچھا تاثر جمانے میں ناکام رہی اور صرف 15.19 کروڑ کما سکی۔

پولیس گیری

تامل فلم میکر کے ایس روی کمار نے ڈیبیو کیا اور پولیس گیری بنائی، فلم میں سنجے دت کو ایماندار پولیس آفیسر دکھایا گیا جو کرپٹ سیاست دان کو بے نقاب کرتے ہیں، فلم میں سنجے دت کے ہمراہ اداکارہ پراچی ڈیسائی نے مرکزی کردار ادا کیا، فلم باکس آفس پر بری طرح ناکام سے دوچار ہوئی اور صرف 16.81 کروڑ کماسکی۔

ضلع غازی آباد

فلم ضلع غازی آباد ملٹی اسٹار کاسٹ پر مشتمل فلم تھی جس میں ضلع غازی آباد کے اندر دو گینگسٹر گروپ کو دکھایا گیا ایک گینگسٹر ارشد وارثی اور دوسرے ویویک اوبرائے تھے جبکہ سنجے دت فلم میں پولیس آفیسر کا کردار ادا کررہے تھے، فلم صرف 16 کروڑ کمانے میں کامیاب ہوسکی۔

ان دنوں سنجے دت اپنی نئی آنے والی فلم صاحب بیوی اور گینگسٹر کے سیکوئل میں کام کررہے ہیں سنجے دت کے ہمراہ جمی شیر گل، ماہی گل ودیگر اداکار فلم میں موجود ہوں گے۔

Comments

comments

یہ بھی پڑھیں