راولپنڈی: پی آئی اے کی لندن جانے والی پرواز سے 20 کلو ہیروئن پکڑی گئی -
The news is by your side.

Advertisement

راولپنڈی: پی آئی اے کی لندن جانے والی پرواز سے 20 کلو ہیروئن پکڑی گئی

راولپنڈی: بے نظیرانٹرنیشنل ایئر پورٹ پرقانون نافذ کرنے والے اداروں نے مشترکہ کارروائی کرتے ہوئے 20 کلو گرام ہیروئن برآمد کرلی‘ پانچ افراد کو حراست میں لے لیا۔

تفصیلات کے مطابق اینٹی نارکوٹکس فورس نے ایئرپورٹ سیکیورٹی فورس کے ساتھ مل کر خفیہ اطلاع پر بڑی کارروائی کرتے ہوئے پی آئی اے کے طیارے سے بڑی مقدار میں منشیات برآمد کی۔

ذرائع کا کہنا ہے کہ اداروں کو ملنے والی خفیہ اطلاع پر پی آئی اے کی پرواز پی کے 785 پر چھاپہ مارا گیا اور تلاشی کےدوران جہاز کے خفیہ خانوں سےہیرؤن برآمد کی گئی۔


منشیات کا شبہ‘ برطانوی حکام نے پی آئی اے کا جہازکلئیر قراردے دیا


پی آئی اے کے مطابق پرواز نمبر پی کے 785 نے بینظیر انٹرنیشنل ایئرپورٹ سے لندن روانہ ہونا تھا تاہم خفیہ اطلاع پر کارروائی کی گئی‘ اے این ایف نے منشیات تحویل میں لینے کے ساتھ کیٹرنگ سے متعلقہ عملے پانچ ارکان کو بھی حراست میں لیا ہے جن کے بارے میں کہا جارہا ہے کہ وہ منشیات اسمگلنگ کی کوشش میں ملوث ہیں۔

گزشتہ دنوں لاہور سے برطانیہ جانے والی پی آئی اے کی پرواز پی کے758کاطیارہ کو روک کر تلاشی لی گئی اور مبینہ طور پر منشیات بھی برآمد کی گئی تاہم لندن انتظامیہ نے پی آئی اے کے عملے کو معمولی تفتیش کے بعد چھوڑدیا تھا۔

اس سے قبل گزشتہ برس دسمبر میں کراچی سے جدہ جانے والی پی آئی اے کی پرواز میں سے بھی 15 کلو ہیرؤن برآمد کی گئی تھی جو کہ ایک قابلِ ذکر تعداد ہے۔

یاد رہے کہ پی آئی اے کی بین الاقوامی پروازوں کی کڑی چیکنگ کی جاتی ہے۔ واضح رہے کہ غیر ملکی ائیر پورٹ پر طیارے سے منشیات برآمد ہو جائے تو قومی ائیر لائن کو بھاری جرمانہ ادا کرنا پڑتا ہے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Comments

comments

یہ بھی پڑھیں