The news is by your side.

Advertisement

ہیروئن اسمگلنگ: پی آئی اے کے14مرد وخواتین فضائی میزبان معطل

کراچی : پیرس میں پی آئی اے کے فضائی میزبانوں سے ہیروئن برآمدگی کی تحقیقات کے بعد14فضائی میزبانوں کو معطل کردیا گیا، زیادہ تر کا تعلق ن لیگ کی حمایت یافتہ سی بی اےیونین لاہور سے ہے۔

تفصیلات کے مطابق فرانسیسی تحقیقاتی ایجنسی کی رپورٹ پرپی آئی اے انتظامیہ نے14فضائی میزبانوں کو معطل کرتے ہوئے انہیں بین الاقوامی پروازوں پر جانے سے روک دیا۔ ہیروئن کی اسمگلنگ میں ملوث ہونے کے شبے میں فضائی میزبانوں کو گراؤنڈ کیا گیا ہے، معطل 14فضائی میزبانوں کےخلاف تحقیقات شروع کردی گئیں ہیں۔

اس حوالے سے پی آئی اے ذرائع کا کہنا ہے کہ معطل ہونیوالے زیادہ ترفضائی میزبانوں کا تعلق لاہور بیس سے ہے ان میزبانوں کا تعلق ن لیگ کی حمایت یافتہ سی بی اے یونین سے ہے، معطل فضائی میزبانوں کی فہرست اے آر وائی نیوز نےحاصل کرلی،

ذرائع کے مطابق حماد حسین، مجاہد علی ملک، وسیم عباس، علی احمد ملک، ممتاز، طارق،نعمان علی، حامد رحمان معطل ہونیوالے میزبانوں میں شامل ہیں، اس کے علاوہ معطل ہونے والی خواتین فضائی میزبانوں میں ثناءعزیز، سحراقبال، نورین، کرن سید، ربیعہ تاج دین، جینیتا گل شامل ہیں۔

ذرائع کا کہنا ہے کہ معطل ہونیوالے فضائی میزبانوں پر پیرس میں گرفتار گلزارتنویر اور عامر معین کی معاونت کرنے کا الزام ہے، معطل فضائی میزبانوں سے متعلق مزید تحقیقات کی جارہی ہیں۔

مزید پڑھیں: پیرس میں پی آئی اے کی پروازسے ہیروئن برآمد

ترجمان پی آئی اے کا کہنا ہے کہ کچھ فضائی میزبانوں کو انٹرنیشنل فلائٹ سے گراؤنڈ کیا گیا ہے اور کچھ کے خلاف تحقیقات کی جارہی ہیں اور کچھ فضائی میزبان اپنے معمول کے مطابق اپنی ڈیوٹیاں سرانجام دینگے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

 

Comments

comments

یہ بھی پڑھیں