لبنان (6 مئی 2026): حزب اللہ نے جنوبی لبنان میں اسرائیلی فوجیوں کے ایک ٹھکانے پر جدید ڈرون سے حملے کی ویڈیو جاری کر دی۔
لبنان میں اسرائیلی جارحیت کے خلاف لڑنے والی تنظیم حزب اللہ نے جنوبی لبنان میں اسرائیلی فوجیوں کے ایک ٹھکانے پر جدید ڈرون ایف پی وی سے حملہ کرنے کا دعویٰ کرتے ہوئے اس کی ویڈیو جاری کی ہے۔
حزب اللہ کی جانب سے جاری ویڈیو میں دیکھا جا سکتا ہے کہ جدید سہولیات سے لیس ایف پی وی ڈرون نے سرحدی علاقے میں اُڑان بھری اور اسرائیلی فوج کی گاڑی کے قریب پہنچا جہاں سے اہلکار انخلا کر رہے تھے۔
ایف پی وی ڈرون نے بھاگتے ہوئے 3 اسرائیلی فوجیوں کا تعاقب کیا اور انھیں نشانہ بنایا۔ اس سے قبل ایسے ہی ایک واقعے میں ہیلی کاپٹر پر سوار ہوتے اسرائیلی فوجیوں کو بھی اسی ڈرون سے نشانہ بنایا گیا تھا
Why’d all 3 guys run in the same direction? New Hezbollah FPV drone video released pic.twitter.com/jIJNGkGPSX
— Ryan Grim (@ryangrim) May 5, 2026
غیر ملکی میڈیا کے مطابق حزب اللہ کا کہنا ہے کہ اس حملے کا مقصد اسرائیلی فوج کی پیش قدمی کو روکنا اور سرحدی علاقوں میں اپنی جوابی صلاحیت کا اظہار کرنا تھا۔
رپورٹ کے مطابق حزب اللہ نے یہ کارروائی جنوبی لبنان کے سرحدی علاقے میں اس جگہ کی، جہاں گزشتہ کئی ماہ سے اسرائیلی افواج اور حزب اللہ کے درمیان وقفے وقفے سے جھڑپیں جاری ہیں۔
آبنائے ہرمز پر منڈلاتا امریکی طیارہ پراسرار طور پر اچانک آسمان سے غائب، کہاں گیا؟ (ویڈیو)
اے آر وائی نیوز کی ڈیجیٹل ڈیسک کی جانب سے شائع کی گئی خبریں