شوبز انڈسٹری کی معروف اداکارہ حبا بخاری نے شوہر و اداکار آریز احمد کی پوسٹ پر دلچسپ جواب دے دیا۔
اداکار آریز احمد نے سوشل میڈیا پر پوسٹ شیئر کرتے ہوئے لکھا کہ ’جن کو دیکھنے سے آجاتی ہے چہرے پر رونق، میری پسندیدہ اداکارہ کون ہے، اندازہ لگائیں۔‘
آریز کی پوسٹ پر مداحوں نے تو بعد میں جواب دیا لیکن ان کی اہلیہ و اداکارہ حبا بخاری پہلے ہی بول پڑیں۔
حبا بخاری نے مسکراتے ہوئے لکھا کہ ’دھیان سے بات کریں، میں نے آپ پر نظر رکھی ہوئی ہے۔
شوبز جوڑی کی پوسٹ پر مداحوں کی جانب سے بھی پسند کیا جارہا ہے، ایک مداح نے لکھا کہ ’وہ اداکار کے بارے میں بات کررہے ہیں اداکاراؤں کے بارے میں نہیں۔‘
ایک اور صارف نے لکھا کہ ’ٹھیک ہے ہم نے مان لیا حبا ہی آپ کی پسندیدہ اداکارہ ہیں۔‘
واضح رہے کہ گزشتہ دنوں اداکار آریز احمد اور اداکارہ حبا بخاری نے نجی ٹی وی کے مزاحیہ پروگرام میں شرکت کی تھی جہاں انہوں نے مداحوں کی جانب سے پوچھے گئے دلچسپ سوالات کے جوابات دیے تھے۔
View this post on Instagram
آریز احمد کا کہنا تھا کہ حبا نے پہلے لفٹ نہیں کرائی تھی لیکن میری خواہش تھی کہ ان سے شادی ہو اور جب انہوں نے لفٹ کروائی تو ہم ساتھ بیٹھے ہیں۔‘
اداکار نے مزاحیہ انداز میں کہا تھا کہ ’استقامت ہونی چاہیے چاہے وہ لڑکی کو حاصل کرنے میں ہو یا کام حاصل کرنے میں ہو۔‘
View this post on Instagram
واضح رہے کہ حبا بخاری اے آر وائی ڈیجیٹل کے ڈرامہ سیریل ’بے رخی‘ میں سبین کا مرکزی کردار نبھایا تھا، ڈرامے کی دیگر کاسٹ میں جنید خان، نازش جہانگیر، عفت عمر، صبا حمید، عثمان پیرزادہ ودیگر شامل تھے۔
یاد رہے کہ گزشتہ سال اداکار حبا بخاری آریز احمد کے ساتھ رشتہ ازدواج میں منسلک ہوئیں ان کی شادی میں ساتھی فنکاروں اور قریبی عزیز نے شرکت کی تھی۔
