بیونس آئرس: ارجنٹائن پولیس کی ایک ایسی سنسنی خیز ویڈیو سامنے آئی ہے جس میں وہ کار چوروں کا تعاقب کرتی ہے، اور اس تعاقب کا انجام ایک دھماکا خیز حادثے پر ہوتا ہے۔
یہ ویڈیو ارجنٹائن کے دارالحکومت بیونس آئرس کے قریب سان اسیڈرو اور سان فرنینڈو میونسپلٹی میں واقع ہائی وے پر پیش آنے والے واقعے کی ہے، جس میں چوروں کا پیچھا کرتی پولیس کے سنسنی خیز تعاقب کو دیکھا جا سکتا ہے۔
مقامی میڈیا نے اس تعاقب کو فلمی انداز کا تعاقب قرار دیا، پولیس کو جب گاڑی چوری کی اطلاع ملی تو اہلکاروں نے موقع پر پہنچ کر پولیس گاڑی میں چوروں کی گاڑیوں کا فلمی انداز میں پیچھا شروع کر دیا۔
کافی دیر تک گاڑیاں دوڑانے کے بعد ایک چور کی گاڑی موڑ مڑتے ہوئے بے قابو ہو گئی اور کنارے کھڑی دوسری گاڑیوں سے ٹکرا کر رک گئیں، تاہم دونوں چور گاڑیوں سے نکل کر پیدل بھاگنے لگے۔
رپورٹس کے مطابق پولیس اہلکاروں نے کچھ دیر بعد ہی دونوں چوروں کو دھر لیا، یہ ویڈیو پولیس کار کے ڈیش بورڈ میں لگے کیمرے میں ریکارڈ ہوئی۔
