ریاض: سعودی عرب میں آن لائن جعل سازی سے بچنے کے لیے الرٹ جاری کردیا گیا۔
عرب میڈیا کی رپورٹ کے مطابق مملکت میں آن لائن پلیٹ فارم ‘ابشر’ کے ذریعے فراڈ کرنے کی کوشش کی جارہی ہے شہری اس حوالے سے ہوشیار رہیں اور کسی بھی جعلی پیغام پر کان نہ دھریں۔
ابشر سروس انتظامیہ کا کہنا ہے کہ صارفین مشکوک افراد اور اداروں کی طرف سے موصول ہونے والے ایس ایم ایس سے ہوشیار رہیں، صارفین کو معلومات اپ ڈیٹ کرنے کا کوئی پیغام جاری نہیں کیا گیا ہے۔ مشکوک افراد کی طرف سے جعل سازی کرنے کی کوشش کی جارہی ہے۔
انتظامیہ نے بتایا کہ بعض نامعلوم اور مشکوک افراد اور اداروں کی طرف سے صارفین کو پیغام موصول ہو رہے ہیں جن میں لنک دے کر معلومات اپ ڈیٹ کرنے کا مطالبہ کیا جارہا ہے۔
صارفین مذکورہ بالا صورت حال میں لنک کو کلک کرنے کی کوشش نہ کریں۔
آن لائن پلیٹ فارم نے خبردار کیا کہ ان لنکس کے ذریعہ صارفین کا ڈیٹا اور اہم معلومات سمیت بینک معلومات چوری کی جاتی ہیں، سروس سے فائدہ اٹھانے کے لیے براہ راست پورٹل کے ذریعے رابطہ بہتر ہے۔
