The news is by your side.

Advertisement

چین کے اعلیٰ سطحی وفد پاک چین اقتصادی راہداری کا معائنہ کرنے کے لئے پاکستان آمد

اسلام آباد: چین کے اعلیٰ سطحی وفد نے آج بروز بدھ اسلام آباد میں وزیراعظم کے معاونِ خصوصی برائے خارجہ سے ملاقات کی جس کا مقصد دونوں ممالک کے اشتراک سے تعمیر ہونے والی پاک چین اقتصادی راہداری کی تکمیل کے لئے مزید معاونت فراہم کرنا بتایاگیا ہے۔

دفترِخارجہ کے مطابق آج ہونے والی اس ملاقات میں چین کی جانب سے چینی وزیر خارجہ کے خصوصی نمائندے سفیر لیو گوانگ یان جبکہ پاکستان کی جانب سے وزیراعظم کے معاون خصوصی برائے خارجہ امور طارق فاطمی شریک تھے۔

چینی سفیر لیو گوانگ یان بارہ رکنی وفد کی قیادت کررہے تھے جس میں چینی حکومت کی سینئر نمائندے شامل تھے۔ دفترِ خارجہ کی جانب سے کہا گیا ہے کہ چینی وفد پاک چین اقتصادی راہداری کے سلسلے میں اسلام آباد، لاہور، کراچی اور گوادر کا بھی دورہ کرے گا تاکہ منصوبے کی تکمیل کے لئے بھرپورتعاون کیا جاسکے۔

ملاقات کے دوران طارق فاطمی کا کہنا تھا کہ دونوں ممالک میں غیر معمولی پاک چین دوستی کو بے پناہ حمایت حاصل ہے۔

طارق فاطمی نے چینی وفد کو حکومت کی جانب سے پاک چین اقتصادی راہداری اور اس پر کام کرنے والے چینی افراد کی حفاظت سے متعلق اٹھائے گئے اقدامات پر تفصیلی بریفنگ بھی دی۔

چینی سفیر نے اس موقع پر حکومتِ پاکستان کی کاوشوں کو سراہتے ہوئے امید ظاہر کی ہے کہ ترقی کا یہ سفر دور تک جائے گا۔

انہوں نے اس امید کا بھی اظہارکیا کہ اس اقتصادی منصوبے سےنا صرف پاکستان اور چین کو نقصان ہوگا بلکہ پورا خطہ اس منصوبے کے سبب ترقی کرے گا۔

Print Friendly, PDF & Email

Comments

comments

یہ بھی پڑھیں